Ռուսիո պատրիարքի մտածողությունը հանցագործություն է. Օսմանյան կայսրությունը պատմության աղբանոցում է

Մտածողություն, որը 21-րդ դարում պարզապես անընդունել է, ավելին ` դա հանցավոր մտածողություն է: Այս մասին newspress.am-ի հետ հարցազրույցում ասաց քաղաքագետ Ռուբեն Մեհրաբյանը` անդրադառնալով Մոսկվայի և Համայն Ռուսիո պատրիարք Կիրիլը հունվարի 7-ին «Ռոսսիյա 1» հեռուստաընկերության եթերում տված հարցազրույցին: Հիշեցնենք, որ վերջինս հայտարարել էր, թե «Օսմանյան կայսրությունում եղել են ազգային փոքրամասնություններ, բայց ոչ-ոք նրանց չի ոչնչացրել»:

Ըստ քաղաքագետի Ռուսիո պատրիարք Կիրիլն ասել է այն, ինչ մտածել է, բայց դա, քաղաքագետի սյուբեկտիվ կարծիքով, ուղղված չէ Հայաստանին:

«Սա ոչ այնքան Հայաստանին էր ուղղված, որքան նրան, որ Օսմանյան և Ռուսական կայսրություններում վերնախավերն ունեն նույն մտածողությունը: Այսինքն, երբ նպատակն արդարացնում է միջոցները: Բացի այդ զանգվածային հացագործությունները կատարելուց հետո էլ, այո, չքմեղանում են, ասելով, որ ոչինիչ տեղի չի ունեցել և ամեն ինչ արվել է հանուն պետության, կամ հանուն ինչ որ այլ բանի: Այսինքն մարդը այնտեղ եղել է ոչ թե նպատակ և գերնպատակ, այլ եղել է զուտ միջոց, և մարդու կյանքն էլ եղել է ընդամենը գործիք, ընդամենը մանրադրամ այդ կայսրությունների իշխողների ձեռքում»,- ասաց քաղաքագետը` հավելելով, որ օսմանյան կայսրությունն այսօր պատմության աղբանոցում է:

«Ռուսիո պատրիարք Կիրիլը չի խորացել, թե օսմանականությունն ինչ բան է և, որ նա երիտթուրքական իշխանություն է, որ իրականացրել է հայերի մեծ ցեղասպանությունը», – Պպատիարքի հայտարարության մասին իր տեսակետը հայտնեց newspress.am-ի մյուս զրուցակիցը:

Նրա խոսքով, սա ուղղափառ եկեղեցու տեսակետն է, և պատրիարքը կանգ է առել այն դրույթի վրա, որ բոլոր կայսրապետությունները պետք է լեզու գտնեն իրենց ազգային փոքրամասնությունների հետ:

Վարդան Խաչատրյանը համաձայն չէ քաղաքական դաշտում և լրատվամիջոցներում շրջանառվող այն կարծիքների հետ, թե Թուրքիան այսօր գնում է դեպի օսմանականություն:

«Իրականում դա այդպես չի եղել. ներքին խաբեություն է, որ օգտագործում են արևմտյան երկրները… դրույթը օգտագործել են նրա համար, որ հնարավորինս իրենցով անեն թուրքական իշխանությունները և իրենց շահերը հնարավորինս արտահայտեն Թուրքիայում», -ասաց Խաչատրյանը:

Ըստ նրա դա ներկայիս հրամայականն է, որը մինչ օրս կամ տեղի չի ունեցել կամ ծառայել է այլ նպատակների, այժմ դա իրականացվում է աներևակայելի տեմպով և դրա անմիջական կրողը Թուրքիան է:

«Պարզապես հայտարարության մեջ խորը հաշվարկ չի արվել, քանի որ նա մտածում է, որ հայկական գենոցիդը օսմանյան Թուքիայի հաղթահարվելուց հետո է տեղի ունեցել: Նա ցանկացել է ասել, որ այսօր տեղի է ունենում այն, ինչը էն ժամանակ չեն հաջողացրել, չի էլ եղել շատերի դեմ ոտնձգություններ Սիրիայի տարածքում և Իրաքի տարածքում , իսկ հիմա ոչնչացնում են այդ մշակութային շերտը ևս: Սա խնդիր է, որ բարձրացրել է և Ռուսիո պատրիարքը և Հռոմի Պապը»,- ասաց աստվածաբանը` հավելելով, որ այստեղ Հայաստանը մեծ դերակատարում պետք է ունենա և ոչ թե ընկնի մանրուքների հետևից, որոնք միշտ էլ կլինեն: