Եթե պաշտոնաթող մարզպետների շարքում իմ անունն էլ կա` մի նեղվի. Սուրիկ Խաչատրյան

Սահմանադրության փոփոխությունից հետո պարբերաբար խոսվում է ՀՅԴ-ին 3 մարզպետի և նախարարի պաշտոն տալու մասին: Այս կապակցությամբ newspress.am-ը զրուցեց Սյունիքի մարզպետ Սուրի Խաչատրյան հետ:

Այն հարցին, թե պաշտոնաթող մարզպետների շարքում իր անունը կա, թե ոչ, մարզպետը պատասխանեց. «Ես ոչ մարզպետ նշանակող եմ, ոչ հանող եմ: Ինչի եք այդ հարցը ինձ տալիս: Եվ ոչ էլ այդ որոշումն ընդունողն եմ: Եթե պաշտոնաթող մարզպետների շարքում իմ անունն էլ կա` մի նեղվի»:

Նույն թեմայի շուրջ մենք զրուցեցինք նաև Արագածոտնի մարզպետ Սարգիս Սահակյանի հետ:

«Ես առաջին անգամ եմ լսում նման բան: Ես ոչ լսել եմ, ոչ էլ կարդացել եմ որևէ տեղ»,-պատասխանեց նա:

Իսկ ահա Գեղարքունիքի մարզպետ Ռաֆիկ Գրիգորյանը նշեց, որ իր պաշտոնանկության մասին խոսակցություններն անլուրջ է համարում:

«Երբ որ վարչապետը նման որոշում կայացնի, կարծում եմ, հայտարարություն կտարածվի և այդ մասին բոլորը կիմանան»,- իր պաշտոնանկության վերաբերյալ հարցին պատասխանեց մարզպետը:

Լրագրողի այն դիտարկմանը, արդյոք վարչապետը իր աշխատանքից գոհ է, մարզպետը պատասխանեց, որ այդ հարցը պետք է ուղղել հանրապետության վարչապետին:

«Ես ինքնագովասանքով չեմ զբաղվում, եկեք` ճշտեք»,- իր աշխատանը գնահատեց մարզպետը:

Արմեն Երիցյանի հետ լարված հարաբերությունների մասով, Գրիգորյանը նշեց, որ դրանք անլուրջ խոսակցություններ են:

«Բոլոր մարզպետների հետ Արմեն Երիցյանի հարաբերությունները գտնվում են բարձր մակարդակի վրա»,- հավելեց մարզպետը: