Վրաստանին ու Ադրբեջանին առաջ չենք անցել. Փաշինյանը խաբել է-մաս 23. «Ժողովուրդ»

«Ժողովուրդ» օրաթերթը գրում է.

Արժույթի միջազգային հիմնադրամի վերլուծություն/ կանխատեսումներով՝ մեկ շնչին ընկնող ՀՆԱ-ի հաշվով Հայաստանը 2019 թվականին գերազանցել է Վրաստանին եւ 2020 թվականին կգերազանցի Ադրբեջանին: Այս հայտարարությունը 2020 թվականի հունվարի 25-ին Կապանում արել էր ՀՀ վարչապետ Նիկոլ Փաշինյանը: Իսկ ի՞նչ իրավիճակ ունենք իրականում: Հայաստանում բնակչության մեկ շնչին բաժին ընկնող ՀՆԱ-ի ցուցանիշը 2020 թվականին կազմել է 4 012 դոլար։ Հետխորհրդային երկրների շարքում այդ ցուցանիշով առաջատարը Էստոնիան է՝ 19 736 դոլար։

Իրականությունն այն է, որ Հայաստանը բնակչության 1 շնչին ընկնող ՀՆԱ ցուցանիշով հետ է մնացել ինչպես Վրաստանից, այնպես էլ Ադրբեջանից. ՀՀ-ում այն հավասար է 4622.7, Վրաստանում՝ 4769.2, եւ Ադրբեջանում՝ 4793.6։ Գալով այդ ցուցանիշի գնողունակության պարիտետով նշանակությանը՝ այստեղ եւս ՀՀ-ն զիջում է ե՛ւ Վրաստանին, ե՛ւ Ադրբեջանին։ Ցուցանիշներն այսպիսին են` Հայաստան՝ 14219.6, Վրաստան՝ 15636.6, եւ Ադրբեջան՝ 15000.8։ Ստացվում է՝ հերթական անգամ Նիկոլ Փաշինյանի հայտարարություններն իրականություն չեն դարձել, եւ նա հերթական անգամ խաբել է ՀՀ քաղաքացիներին:

Ամբողջությամբ հոդվածը` օրաթերթի այսօրվա համարում