Նիկոլի «ձեռքի տակից»՝ Նիկոլի գրպանը
«Քաղաքացիական պայմանագրից» երեկ հաստատեցին՝ Գլխավոր դատախազի թեկնածուն Նիկոլ Փաշինյանի օգնականն է՝ Աննա Վարդապետյանը:
Այս աղջկա մասին լայն հանրությունը թերևս իմացավ այն ժամանակ, երբ վերջինս հայտնվեց սկանդալի կենտրոնում. անսպասելիորեն հայտնի դարձավ, որ ՀՖՖ նախկին նախագահ Ռուբեն Հայրապետյանի գործով այս աղջիկը ցուցումներ է տալիս քննիչին:
Ավելի ուշ, Վարդապետյանն, իհարկե, արդարացման խղճուկ փորձ արեց, բայց իրավական ոլորտից փոքր-ինչ հասկացող մարդու համար տեսանելի էր, որ այս ամենը ոչ այլ ինչ է, քան օրենքի կոպիտ ոտնահարում:
Այս աղջկա տվյալները, գուցեև բավարարում են Գլխավոր դատախազ դառնալու համար, բայց արդյոք լավ իրավաբանը կարո՞ղ է լավ դատախազ դառնալ, մեծ հարց է:
Իսկ հարց է, որովհետև Վարդապետյանն առաջին հերթին կաշկանդված է այն հանգամանքով, որ ինքն աշխատել է Փաշինյանի կառավարությունում, ապա նաև ուղիղ նրա «ձեռքի տակ»: Զավեշտալի է պատկերացնելն անգամ, թե հանուն Փաշինյանի ամբիցիաների քիթը քննիչների աշխատանքի մեջ խոթողը կարող է մի օր որոշել կալանքի տանել Փաշինյանին: Հատկապես երբ հայտնի է այն մեծ սիրո ու հարգանքի մասին, որ նա տածում է Նիկոլի հանդեպ: Կարողանալո՞ւ է տիկինն անաչառ լինել: Հազիվ թե...
Իսկ կարողանալո՞ւ է անաչառ լինել, եթե հանկարծ կրկին ջրի երես դուրս գա իր իսկ հոր՝ Կարեն Վարդապետյանի բարեգործական հիմնադրամին կասկածելի գումարներ փոխանցելու մոռացված դեպքը, որի մասին ազդարարեց նույն դատախազությունը և որին հաջորդեց այնժամանակվա փոխնախարարի՝ պաշտոնից ազատման դիմումը: Հազիվ թե:
Այս և այլ բազմաթիվ հանգամանքներ հաշվի առնելով, թերևս գումարելով նաև այն հրահանգները, որոնք, նա գուցեև տվել է այլ քննիչների, սակայն, որոնց մասին, բախտի բերմամբ, հանրությանը հայտնի չի դարձել, կարող ենք փաստել, որ Վարդապետյանն արդեն իսկ «սևացած» կերպար է: Երաշխավորված չէ նաև, որ այսուհետ նա նույն ոճի, ինչ Հայրապետյանի գործի դեպքում, նամակագրություններ է ունենալու արդեն դատավորների հետ:
Էլ չենք ասում, որ «դրսից» բերված, Դատախազությունում աշխատելու փորձառություն չունեցող, իրենց գլխին դատախազ կարգված աղջկա միայն ներկայությունն այս պաշտոնում ստիպելու է, որ այդտեղի պրոֆեսիոնալները ևս թողնեն-հեռանան...
Փաստորեն, ստացվում է, որ Գլխավոր դատախազությունն էլ կգնա, կմիանա բոլոր այն կառույցներին, որոնց ղեկին ամեն անգամ նշանակվում են ավելի անհաջող կադրեր, քան նախորդներն էին:
Թերևս Արթուր Դավթյանին երանի տալու ժամանակը շատ է մոտ:
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
Տավուշում ոստիկանը մեքենայով բախվել է ձիուն և կողաշրջված հայտնվել այգում. նա տեղում մահացել է
Ուկրաինան անօդաչուներով հարվածներ է հասցնում Սոչիին. կան վիրավորներ
