Ծայրապետ Նիկոլը չի կարող «կուպիտ» անել ղարաբաղցիներին, մարդուն սպանես, հետո նրա ժառանգներին ասես՝ փող եմ տալիս, սո՛ւս մնացեք․ Արմեն Աշոտյան

Մարդ, որը հանձնել է Արցախը՝ տնտեսական ամբողջ պոտենցիալով, այսօր երեսով է տալիս, որ մի քանի կոպեկ ավել է ուղարկում Արցախ։ Եթե Նիկոլ Փաշինյանը չլիներ, Արցախն ամուր ոտքերի վրա կանգնած էր, Արցախն այդ փողերի կարիքը չուներ, Արցախն իր տնտեսական պոտենցիալով աճում էր, տնտեսական աճն արձանագրվում էր գրեթե ամեն տարի և ավելի մեծ տնտեսական աճ, քան Հայաստանում։ Այսօր «Հայելի» ակումբում ասաց ՀՀԿ փոխխոսնակ Արմեն Աշոտյանը։ 

«Ինչքա՞ն անբարոյական պիտի լինես, ինչքա՞ն անբարոյական ծայրապետ պիտի լինես։ Օրինակ բերեմ՝ մի ընտանիքի ծնողներին սպանես, երեխաներին սպանես, տնից վռնդես ու վերջում ասես՝ քեզ 60 000 փող եմ տալիս, սո՛ւս մնա, դա աննախադեպ փող ա։ Այդ աստիճան անբարոյականությունն աննախադեպ է։ Մարդ, որը մի քիչ ինքնասիրություն ունենար՝ ինքնասպան կլիներ կամ առնվազն հրաժարական կտար։ Բայց նա այսօր բարբաջում է այն մասին, որ ինքն արցախահայությանը տնտեսական կամ ֆինանսական օգնություն է տալիս։ Արցախահայությունը քո ֆինանսական օգնության կարիքը չունի։ Արցախահայությունը և հայությունն առհասարակ քո հրաժարականի կարիքն ունեն։ Դրանք տարբեր բաներ են։ Դու սպանես մարդկանց, զրկեց տնից, տեղից էլեկտրոստանցիաներից, ճանապարհներից, կամուրջներից, գյուղատնտեսությունից․․․ ամեն ինչից զրկես ու վերջում ասես՝ փող եմ տալիս»,- նշեց Աշոտյանը։

Աշոտյանի խոսքով՝ սա լկտիության գագաթնակետն է, որովհետև Արցախը Հայաստանից միշտ ստացել է օգնություն, և այո՛, Հայաստանից ավելի մեծ տնտեսական աճ է ունեցել։ Եթե Նիկոլ Փաշինյանը չլիներ, ապա այսօրվա չքավոր վիճակը չէր լինի Արցախում։

«Ուստի Նիկոլը սոցիալական, ֆինանսական աջակցությամբ չի՛ կարող «կուպիտ» անել ղարաբաղցիներին, չի՛ կարող «կուպիտ» անել ողջ հայ ժողովրդին։ Այսինքն՝ այս փաստարկն անբարոյականի փաստարկ է։ Մարդուն սպանես, հետո նրա ժառանգներին ասես՝ փող եմ տալիս, սո՛ւս մնացեք, դուք աննախադեպ փող եք ստանում»,- ասաց Արմեն Աշոտյանը։