Ես էլ գոհ ու երջանիկ կլինեի, եթե ինչ-որ մեկը ծեծեր Անահիտ Ավանեսյանին, կասեի՝ շատ շնորհակալ եմ. Անահիտ Ադիբեկյան

«Հայելի» ակումբում ադրբեջանագետ Արմինե Ադիբեկյանն անդրադարձավ ՀՀ առողջապահության նախարար Անահիտ Ավանեսյանի՝ ոստիկաններին շնորհակալություն հայտնելուն և նրանց կողմից բիրտ ուժի կիրառումը ժողովրդավարություն համարելուն։ 

Ադիբեկյանը մասնավորապես նշեց․ 

«Իրականում, եթե անկեղծանանք, ապա ես էլ գոհ ու երջանիկ կլինեի, եթե ինչ-որ մեկը ծեծեր Անահիտ Ավանեսյանին և գային ասեին, որ տիկին Ադիբեկյան, Անահիտ Ավանեսյանին տփել են։ Ի՞նչ եք կարծում այս մասին, ես կասեմ՝ շատ շնորհակալ եմ, որովետև մինչև այդ, ինձ թվում էր, թե նա ապիկար և տգետ առողջապահության նախարար է զուտ այն պատճառով, որ չունի պրոֆիլային կրթություն: Բայց մարդը իրավաբանական կրթություն ունի, դե դիպլոմ ունի, որովհետև կրթություն չունի, քանի որ նրա համակուրսեցիները խայտառակ կարծիքներ են հայտնում նրա ուսանողական տարիների մասին։

Ամեն դեպքում ունի դիպլոմ և իրավունք՝ տեղեկացված չլինել առողջապահությունից։ Ես ևս չունեմ պատկերացում առողջապահությունից։ Բայց նա դրանում մեղավորություն չունի։ Այդտեղ մեղավորը նրան պաշտոն տվողն է, այսինքն՝ Նիկոլ Փաշինյանը, որի  կադրային քաղաքականությունն, ինչպես նկատել ենք, կատաստրոֆիկ է։ Ինչքան տգետ, փնթի, անգրագետ, անգիտակ մարդ կա, բոլորին բերել տեղավորել է, ու Անահիտ Ավանեսյանը բացառություն չէ։ Իսկ Ավանեսյանի՝ երեկվա հայտարարությունից հետո, հասկացա, որ նա նաև վատ իրավաբան է, էլ չեմ ասում նրա բարոյահոգեբանական կարգավիճակի մասին։ Տիկի՛ն, ուզում եմ ասել, որ ծեծելը վատ բան է։ Չի կարելի մարդկանց ծեծել ու կապ չունի՝ մարդիկ քեզ դուր են գալիս կամ դուր չեն գալիս, ասեմ ավելին՝ անգամ օրենքն արգելում է հանցագործներին ծեծի ենթարկել։ Անգամ մարդասպան արնախումների հետ օրենքը պարտադրում է Դուք-ով խոսել և հարգանք դրսևորել, մինչև դատավճիռը կայանա։ Ես Ձեզ խորհուրդ կտամ՝ վսյո ժե աղ արեք Ձեր ճաշին, աղի պակասը սկսում է լուրջ զգացվել ձեր մտաունակության վրա»։