Ոստիկանի ցուցմունքը բավարար չի մարդ կալանավորելու համար. Արամ Վարդևանյան

Ես ավելի իրավական գնահատական եմ ուզում տալ։ Օրինակ` այս քննարկման ժամանակ հետաքրքիր է՝ ինչ-որ հատուկ ձևով նշվելո՞ւ է, որ ՀՀ-ն, քայլ անելով դեպի ժողովրդավարություն, դեպի դատական համակարգի իրական անկախության երաշխիքների ձևավորում, այն բացառիկ երկրներից էր, որտեղ գործում էր էլեկտրոնային մակագրման համակարգը, որ գործերը պատահական սկզբունքով էին մակագրվում դատավորներին: Որ դատարանների նախագահներն իրենք չորոշեն, թե ով որ գործը քննի։ Հայաստանն այն երկիրն է, որը դա մեկ տարի դատարաններից խլեց, որովհետև որոշեցին, որ պետք է ձեռքով մակագրվի։ Այս մասին «Մարիոթ» հյուրանոցի մոտ լրագրողների հետ զրույցում ասաց «Հայաստան» խմբակցության պատգամավոր Արամ Վարդևանյանը։ 

Վարդևանյանը հարցադրում արեց, թե այդ քննարկման ժամանակ, արդյոք խոսվելո՞ւ է, որ դատական համակարգի անկախությունը դարձել է մի երազելի երևույթ։ 

«Հենց վերջերս գործերից մեկով էլեկտրոնային մակագրման արդյունքը դուր չեկավ օրվա իշխանություններին և նրանք նորից ձեռքով մակագրում իրականացրեցին։ Օրինակ՝ խոսվելո՞ւ է նրա մասին, որ Հայաստանում դատական համակարգի անկախությունը դարձել է երազելի մի երևույթ։ Բոլորի համար հստակ է լինում, թե այս կամ այն ֆատավորն ինչպես է կալանավորումը բավարարելու։ Այսինքն՝ խոսվելո՞ւ է, ոչ թե կալանավորումը քննարկելու, այլ՝ բավարարելու»,- ասաց Վարդևանյանը և հավելեց, որ ոստիկանի ցուցմունքը բավարար չի մարդ կալանավորելու համար։