Կոնֆերանսին՝ որպես ՍԴ նախագահ, մասնակցում է Արման Դիլանյանը, բայց նրան ՍԴ նախագահ նշանակելու մասին որոշում գոյություն չունի. Ղազարյան (տեսանյութ)

Մի զավեշտալի բան է հիմա կատարվում. ոստիկանները մեզ թույլ չեն տալիս մտնել մի կոնֆերանսի, որի մասնակիցների մեծ մասին ոստիկաններն առաջիկայում բերման են ենթարկելու, որովհետև նրանք իշխանազավթման մասնագետներ են։ Այս մասին լրագրողների հետ զրույցում «Մարիոթ» հյուրանոցի մոտ ասաց ՍԴ աշխատակազմի նախկին ղեկավար, Լեհաստանում ՀՀ նախկին դեսպան Էդգար Ղազարյանը։

Նրա խոսքով՝ այս կոնֆերանսի հիմնական կազմակերպիչներից մեկը Սահմանադրական դատարանն է, իսկ զեկուցողներից մեկը՝ «ՍԴ նախագահ» կոչվածը։ 

«Ես ուզում եեմ իմանալ՝ Եվրոպայի խորհրդի կամ ԵՄ-ի դեսպանը որտեղի՞ց են իմացել, որ Արման Դիլանյանը Սահմանադրական դատարանի նախագահ է, այդպիսի որոշում գոյություն չունի։ Հայաստանի պատմության մեջ կա ընդամենը երկու ՍԴ նախագահ՝ Գագիկ Հարությունյանը և Հրայր Թովմասյանը, որոնց ՍԴ նախագահ լինելու վերաբերյալ կա Ազգային ժողովի որոշումը։ Արման Դիլանյանի՝ ՍԴ նախագահ լինելու վերաբերյալ որոշում գոյություն չունի։ Հիմա, որ իրեն դիմում են ՍԴ նախագահ, որտեղի՞ց գիտեն, որ այդ մարդը ՍԴ նախագահն է, եթե նման որոշում գոյություն չունի։ Այս կոնֆերանսին մասնակցում է ՍԴ դատավոր Վահե Գրիգորյանը՝ որպես զեկուցող է, թե մոդերատոր, նրա սանիկները՝ Լուսինե Հակոբյանը և Տիգրան Եգորյանը, որոնց հարսանիքի քավորը Վահե Գրիգորյանն է։ Փաստորեն, այդ հարսանիքի հիմնական դերակատարներն են, իսկ այդ կոնֆերանսին չեն մասնակցում հարսնաքուրն ու ազաբ բաշին»,- շեց Ղազարյանը։