«Հիմա ես գիտեմ՝ ինչ անել». Վազգեն Սարգսյանի խոսքերից 2 ժամ հետո Լևոն Տեր-Պետրոսյանը հրաժարական տվեց. Խաչատուրովը հետաքրքիր դրվագ պատմեց փակ հանդիպումից (տեսանյութ)

Հավաքական անվտանգության պայմանագրի կազմակերպության նախկին քարտուղար Յուրի Խաչատուրովը Ֆրանսիայի հրապարակում մի դրվագ պատմեց փակ հանդիպումից Վազգեն Սարգսյանի մասնակցությամբ:

«1998 թ. Պաշտպանության նախարար Վազգեն Սարգսյանը հրավիրեց ռազմական կոլեգիայի անդամներին: Մենք 6 հոգով էինք: Նա մեզ տվեց մեկ հարց՝ դուք կո՞ղմ եք, որ Արցախը մնա Ադրբեջանի կազմում: Ով համաձայն է՝ ձեռք բարձրացնի: Որևէ մեկը ձեռք չբարձրացրեց: Դրանից հետո նա տվեց երկրորդ հարցը՝ դուք կո՞ղմ եք, որ Արցախն անկախ լինի: Բոլոր 6 անդամները ձեռք բարձրացրին: Դրանցից հետո մի քանի բառ ասաց՝ «Հիմա ես գիտեմ՝ ինչ անել», և բառացիորեն 2 ժամ անց նախագահը հրաժարական տվեց: 

Այն ժամանակ ասում էին՝ իշխանության են գալիս այն մարդիկ, ովեքր պատերազմ են ուզում, իշխանության են գալիս մարդիկ, ովքեր կբերեն արյուն ու տառապանք, ի՞նչ եղավ 1998 թվականից հետո: Եղան հաղթանակներ 20 տարի մենք ապրեցինք հանգիստ՝ որպես հաղթողներ, մենք պարծենում էինք մեր բանակով, մեր պետությամբ, պատերազմ չկար: Նրանք ասում էին, որ մենք պատերազմ ենք ուզում, նրանք հիմա էլ են ասում, որ մենք պատերազմ ենք ուզում: Մենք պատարեզմ չենք ուզում: Մենք ուզում ենք, որ մեզ հարգեն: Ես չեմ հասկանում այդ մարդկանց: Հասարակ հարց են տալիս՝ դուք կո՞ղմ եք, որ Արցախն Ադրբեջանի կազմում լինի: Նրանք ասում են՝ չենք կարող պատասխանել: Ես հասկանում եմ, որ դուք չեք կարող այնպես անել, Որ Արցախը չլինի Ադրբեջանի կազմում, բայց գոնե ասեք որ դուք չե՛ք ուզում, որ Արցախը լինի Ադրբեջանի կազմում, գոնե ասեք, սրիկաներ, չի կարելի այդպես պահել»,- ասաց Խաչատուրովը: