Ինչո՞ւ է Հունիսի 1-ի տոնի առիթով Վանաձորը խորհրդանշում Ուկրաինան. դիրքորոշո՞ւմ, թե՞ պատահականություն... (ֆոտո, վիդեո)

Հունիսի մեկի` երեխաների իրավունքների պաշտպանության տոնի կապակցությամբ վանաձորյան փողոցները զարդարվել են կապույտ ու դեղին փուչիկներով, որոնք խորհրդանշում են Ուկրաինայի դրոշը։

Այս նախաձեռնության հեղինակը Վանաձորի քաղաքապետարանի մաշակույթի բաժնի պետի ժպ Քրիստինա Մուրադյանն է։

Այս առիթով վանաձորցիներից հարցադրում են արել` «դեղի՞ն և կապույտ», ինչին Մուրադյանն արձագանքել է, թե` պարզապես դրանք վառ գույներ են։

Իհարկե երկրորդ կարծիք չի կարող լինել, որ Հայաստանի դրոշի գույներն ավելի վառ են, սակայն, թե ինչու է այս ՔՊ֊ական պաշտոնյան որոշել, որ երեխաների տոնին Վանաձորը պետք է խորհրդանշի հենց Ուկրաինան ու զարդարվի ուկրաինական գույներով` պարզ չէ, ակնհայտ է միայն, որ նա միայնակ չի կայացրել նման որոշում։

Newspress.am-ի տեղեկություններով, Մուրադյանն այս պաշտոնում նշանակվել է այժմ արդեն Պաշտպանության նախարար նշանակված Սուրեն Պապիկյանի թեթև ձեռքով։

Ասում են` Պապիկյանը հանդիսանում է Քրիստինա Մուրադյանի «հովանավորն ու մերձավորը»... 

Այս տրամաբանության մեջ, նույն տեղեկությունների համաձայն, քաղաքապետարանում Քրիստինան արտոնյալ է ու,  նրա բացարձակապես բոլոր որոշումները` «բարձր մակարդակով» արտոնված։

Այնպես որ, հունիսի 1-ին Ուկրաինա հիշեցնող Վանաձորը թերևս ավելի շատ դիրքորոշում է, քան  պատահականություն...

Եվ սա այն դեպքում, երբ այն նույն Ուկրաինան ակտիվ զենք էր մատակարարում մեր թշնամի Ադրբեջանին` մեր զինվորների, Արցախի խաղաղ բնակչության ու այդ թվում երեխաների վրա, այն կիրառելու համար...

Արմինե Մկրտումյան