Խլել ասիք՝ բան հիշեցի․ առաջարկում եմ Խ. Սուքիասյանից խլել «Հայէկոնոմբանկի» Ալավերդու մասնաճյուղի շենքը, որն ազգային պատկերասրահի Ալավերդու մասնաճյուղն էր․․․

«Խլել ասիք՝ բան հիշեցի»։ Այս մասին ֆեյսբուքյան իր էջում գրել է Հրաչյա Պապինյանը և հավելել․

«Առաջարկում եմ Խ. Սուքիասյանից խլել «Հայէկոնոմբանկի» Ալավերդու մասնաճյուղի շենքը, որն ազգային պատկերասրահի Ալավերդու մասնաճյուղն էր, որը խլվեց հանցավոր եղանակով։ Կեղծվեցին ստորագրություններ, այդ մասին կա դատախազների հայտարարությունը։ Բանկն ասում էր թե իբր քաղառը գրավ է դրել շենքը իրենց մոտ։

Մինչդեռ շենքը քաղառինը չէր, որպես ամառային կինոթատրոն մշակ․ նախ հաշվեկշռում էր։ Դե սովետ էր, նոր կինոթատրոններ կառուցելուց հետո թույլատրել էին այդտեղ կահույքի խանութ բացել մի հինգ տարի։ Դրանից էլ բռնացրին ու սկսվել էր կեղծիքները, այն էլ տասը տարի առաջվա ամսաթվերով, երբ կարծեմ արդեն Քաղառն էլ գոյություն չուներ։

Մինչդեռ մշԱկ նախը. իր հաշվեկշռից ամառային կինոթատրոնի շենքը հանձնել էր փաստաթղթերով քաղսովետին, որպիսզի քաղսովետը օրինական իրավունք ունենա իր բյուջեից գումար դնել և վերակառուցել, դարձնել պատկերասրահ։ Բայց կեղծելով ամեն բան՝ սույնը տիրացավ, խլելով ալավերդցիներից իրենց մշակութային հաստատությունը։ 2018֊ին քննություն սկսվեց, Լարիսա Փարեմուզյանը լրագրողական մանրամասն հետաքննություն սկսեց, բոլորն ասում էին շահած դատա, բայց ամեն ինչ հանկարծ դադարեցվեց։

Խոսողների բերանը տարբեր ձևերով փակեցին, քննությունը մնաց անավարտ։ Բողոքի մեր ցույցերն էլ չօգնեցին, պատկերասրահի շենքը մնաց իրեն, բայց ալավերդցիներն ինքնասիրություն չունեն, բանկը բոյկոտելու, վրեժ լուծելու փոխարեն ավելացնում են նրա եկամուտները։

Ես հաշիվներս էլ եմ հանել էդ բանկից, քարտերս էլ շպրտել»։