Իսրայելը կոչ է անում իր քաղաքացիներին զգույշ լինել Ադրբեջանում

Ինչպես գրում է ազդեցիկ The New York Times-ը՝ վկայակոչելով ամերիկյան հետախուզության անանուն պաշտոնյային, Իսրայելը նախապես զգուշացրել է ԱՄՆ-ին Իսլամական հեղափոխության պահապանների կորպուսի գաղտնի ստորաբաժանման հրամանատար, գնդապետ Հասան Սայադ Խոդային ոչնչացնելու ծրագրի մասին։

Այս տեղեկատվության արտահոսքը լուրջ անհանգստություն է առաջացրել իսրայելական կողմի մոտ, որն արդեն դիմել է Վաշինգտոնին պարզաբանումների համար։Ինչպես ավելի վաղ հաղորդվել էր, մայիսի 22-ին գնդապետ Խուդայարին սպանվել էր Թեհրանի կենտրոնական փողոցներից մեկում՝ իր տան դիմաց։ Երկու մոտոցիկլետով մարդասպանները կրակ են բացել Խուդայարիի մեքենայի վրա, ով ստացել է 5 գնդակից վիրավորում և տեղում մահացել։

Թեև ենթադրվում էր, որ Իսլամական հեղափոխության պահապանների կորպուսի գնդապետի ոչնչացումը իսրայելական արտաքին հետախուզական Մոսադի գործն էր, Թեհրանը բացահայտորեն չէր մեղադրում Իսրայելին այս սպանության համար: 

Իսրայելական Chanel 12 հեռուստաալիքը հայտնել է, որ New York Times-ի արտահոսքը Մոսադի կողմից գնդապետ Խուդայարիի սպանության մասին զարմացրել և անհանգստացրել է Իսրայելին։ Հաղորդվում է, որ այս առիթով Իսրայելի եւ ԱՄՆ-ի միջեւ արդեն «բազմաթիվ հեռախոսազրույցներ» են տեղի ունեցել։

Միևնույն ժամանակ, Իսրայելի ԱԳՆ գլխավոր տնօրեն Ալոն Ուշպիզը հայտարարել է, որ ԱՄՆ-ը պետք է մեկնաբանի The New York Times-ում հրապարակված հոդվածը։ Նա ասել է, որ Իսրայելը չափազանց անհանգստացած է, որ արտահոսքը կմեծացնի Իրանի դրդապատճառները՝ հարձակվելու արտերկրում գտնվող իսրայելցիների վրա:

Այդ կապակցությամբ ՊՆ և հատուկ ծառայությունների բարձրաստիճան ներկայացուցիչները մի շարք խորհրդակցություններ են անցկացրել։ Ակնկալվում է, որ Իսրայելի կառավարությունը շուտով կոչ կանի իր քաղաքացիներին զերծ մնալ Իրանի հարևաններ, այդ թվում՝ Ադրբեջան, Արաբական Միացյալ Էմիրություններ, Բահրեյն և, հնարավոր է, Թուրքիա մեկնելուց:

Իսրայելի անանուն պաշտոնյան ասել է, որ հատուկ հետախուզական նախազգուշացումներ չկան Իրանի հարևան երկրներում իսրայելցիների դեմ մոտալուտ հարձակումների վերաբերյալ: Սակայն Chanel 12-ի աղբյուրը նշել է, որ շուտով Իսրայելի քաղաքացիներին խորհուրդ կտրվի առավելագույն զգուշավորություն ցուցաբերել Ադրբեջան այցելելիս, ինչպես նաև զերծ մնալ Արաբական Միացյալ Էմիրություններ և Բահրեյն առանց մեծ անհրաժեշտության մեկնելուց։