«Առանց ղախպա Հայաստան»․ Պետրոսյանը ընդդիմությանը հորդորում է նոր կարգախոս ավելացնել, որով ժողովուրդը կճանաչի Հայաստանը բզկտող ղախպաներին

Պետք չէ զարմանալ։ Այս ամեն ինչի հիմքը Նիկոլը դրեց Ազգային ժողովում այն հայտարարությամբ, որ ինչ էլ լինի՝ մենք չպետք է համարենք, որ պարտվել ենք։ Մենք այստեղից պետք է հասկանայինք նրա մեսսիջը, մենք չկարողացանք սկզբից հասկանալ։ Ոչ մեկս էլ չգուշակեցինք, թե ինչի մասին է խոսքը, բացառությամբ այն մարդկանց, ովքեր նրա հետ հանցակից են։ Այս մասին «Հայելի» ակումբում ասաց ԱԺ նախկին պատգամավոր Գևորգ Պետրոսյանը։

Նրա խոսքով՝ մենք խնդիրն այսուհետ ոչ թե զարմանալին է, այլ իրավիճակից դուրս գալու ելքերի ճիշտ փնտրտուքը։

«Ես ընդդիմությանն առաջարկում եմ, բացի «Առանց Նիկոլ Հայաստան» կարգախոսից ներդնել նաև «Առանց ղախպա Հայաստան»-ը։ Եվ միայն Նիկոլը չէ Հայաստանի համար սպառնալիք։ Նրա հետի կույտը՝ մարդակույտը, դրսներից եկել ու դարձել են ԱԺ պատգամավոր, նախարար․․․ Ոչինչ չանելով պետական բյուջեից սնվում են, ստանում աշխատավարձ, պարգևավճար, տարբեր տեսակետի գործուղումներ։ Նրանց պետք չէ այս վիճակի փոփոխությունը։ Նրանք թքած ունեն այս երկրի ապագայի վրա։ Ի՞նչ ապագա կա։ Երեկ մեկը մի լավ բան էր գրել, թե ինչ ապագա Հայաստանի համար, Ադրբեջանում կա ապագա՝ Հայաստանի պետականության հաշվին»,- ասաց Պետրոսյանը և կրկին ընդդիմությանն ասաց նոր կարգախոսի «Առանց ղախպա Հայաստան»-ի մասին, որի շնորհիվ ժողովուրդը կճանաչի ղախպաներին, որոնք բզկտում են Հայաստանը։