Հայաստանի հանքագործների և մետալուրգների միությունը նոր նախագահ ունի
Մայիսի 17-ին կայացավ ՀՀ հանքագործների և մետալուրգների միության խորհրդի ժողովը, կազմակերպության նախագահի պաշտոնավարման ժամկետը լրանալու և նոր նախագահ ընտրելու կապակցությամբ։ «ԶՊՄԿ» ՓԲԸ գլխավոր տնօրենի առաջին տեղակալ Վարդան Ջհանյանը միաձայն ընտրվեց ՀՀ հանքագործների և մետալուրգների միության նախագահ։ Այս մասին տեղեկանում ենք Զանգեզուրի պղնձամոլիբդենային կոմբինատի ֆեյսբուքյան էջից։
Ընդգծելով հանքարդյունաբերության դերն ու կարևորությունը Հայաստանի տնտեսության մեջ՝ նորընտիր նախագահն ասաց․ «Հանքարդյունաբերությունը աշխարհի առաջատար երկրների տնտեսության հիմնասյուներից է։
Այսօր՝ վերականգնվող Էներգափոխակերպմանը զուգահեռ, շեշտակի մեծացել է մետաղների և միներալների պահանջարկը։ Օրինակ՝ արևային պանելների, քամու տուրբինների, էլեկտրական մեքենաների արտադրությունը ևս մետաղ է պահանջում։
Շատ առաջատար երկրներ ռազմավարություններ են մշակում՝ նոր մարտահրավերներին դիմակայելու, հանքարդյունաբերության ռեսուրսներն ավելի ռացիոնալ օգտագործելու նպատակով։
Այս ոլորտում Հայաստանը մեծ պոտենցիալ ունի, սակայն այն լիարժեք չի օգտագործվում։ Սա բոլորիս բացթողումն է, որը պետք է շտկենք միասին՝ լիարժեք օգտագործելով ոլորտի ներուժը։
Այսօր, ցավոք, լեռնահանքային արդյունաբերությունը հանրության կողմից հիմնականում որպես խնդրահարույց ոլորտ է ընկալվում։ Անհրաժեշտ են միության անդամ բոլոր կազմակերպությունների, պետության, ինչպես նաև քաղաքացիական հասարակության ջանքերը՝ միասնաբար հասկանալու և ընդունելու ոլորտում ծառացած մարտահրավերները, լիարժեք լուծում տալու դրանց ։
Մեր նպատակը պետք է լինի՝ խնդիրը վերածել հնարավորության։ Աշխատատեղերի ստեղծմանը, երկրի առաջին հարկատուն լինելուն զուգահեռ, հանքարդյունաբերությունը, պետք է դառնա Հայաստանի «նավթը», վերածվելով տնտեսական մեծ հնարավորությունների աղբյուրի, որի մասին հայաստանցին կխոսի հպարտությամբ»։
Հավելենք, որ միության նախագահն ընտրվում է հինգ տարի ժամկետով։ Ներառված են ոլորտի 21 կազմակերպություններ, որոնց մեծ մասը համալրում է հանրապետության խոշոր հարկատուների ցանկը և ապահովում ընդհանուր առմամբ շուրջ 15 հազար աշխատատեղ։
Զանգեզուրի պղնձամոլիբդենային կոմբինատը վերջին եռամսյակներում համարվում է երկրի թիվ մեկ հարկատուն:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
