Փաշինյանն իրոք ՔՌՉ է, այսինքն՝ քաղաքական ռեպրեսիաների չեմպիոն․ Գևորգ Պետրոսյան

Ոստիկանության կողմից բիրտ ուժի կիրառմամբ բերման ենթարկելու մասին խոսելիս ԱԺ նախկին պատգամավոր Գևորգ Պետրոսյանը նշեց, որ զարմանալ պետք չէ, ինչպես նաև պետք չէ զարմանալ, որ հերոսների հարազատներ են բերման ենթարկվում։

«Եթե Նիկոլ Փաշինը զոհվածների վերաբերյալ արտահայտվում է +-50 էսկողմ, էնկողմ,  ինչո՞ւ չպիտի ձերբակալի։ Այն, ինչ սպառնում է նրա անվտանգությանը, պաշտոնին, ապա նա ամեն քայլի ունակ է։ Ինչ կապված է Արմեն Գրիգորյանի հետ, ապա ՔՕ 226 հոդվածն ասում է՝ ռասսայական, կրոնական թշնամանք հարուցելուն ուղղված գործողություններ․․․ Էդ ո՞նց է ապացուցվում, որ նա գործողություններ անելու ցանկություն է ունեցել։ Դա գնահատողական դատողականություն է։ Մենք ունենք Վճռաբեկ դատարանի նախադեպային որոշումներ, որ գնահատողական դատողությունները չեն կարող հանդիսանալ անձին պատասխանատվության ենթարկելու պատճառ։ Այսինքն՝ այստեղ բացահայտ ապօրինի ձերբակալման մասին է խոսքը, ինչը ՀՀ գործող ՔՕ 348-րդ հոդվածի համաձայն պատժելի է։ Ես ամեն անգամ խուսափում եմ այդ արտահայտությունն անելուց, բայց Փաշինյանն իրոք ՔՌՉ է, այսինքն՝ քաղաքական ռեպրեսիաների չեմպիոն։ ՔՌՉ Նիկոլն իր պաշտոնը պահելու համար պատրաստ է իր ազգականին, տան անդամին ձերբակալելու ցուցում տալ»,- ասաց Պետրոսյանը։ 

Նրա խոսքով՝ զոհերի մասին +- խոսողի համար մարդկային կապիտալը զրո է։ Նրա համար անգամ նյութական կապիտալն է զրո։ Պետրոսյանի խոսքով՝ պետք է ճիշտ մարտավարություն ընտրել այս ապօրինությունների դեմ պայքարելու համար։