Դուք մտածում եք, որ արցախցուն կարելի է վիրավորել, շիրակցուն կամ արարատցուն՝ ո՞չ, ինչո՞ւ առայսօր որևէ մեկը պատասխանատվության չի ենթարկվել. լրագրողի հարցը՝ ԱԱԾ-ին

Հարցս Հայաստանի ԱԱԾ-ին եմ ուղղում: Հատկապես վերջին 4 տարվա ընթացքում, Ղարաբաղի ու ղարաբաղցիների հասցեին ասվել են ամենաստոր ու կեղտոտ վիրավորանքները.. չեմ ուզում կրկնել, բայց ասում եմ՝ ղարաբաղցուն անուն կպցնողը անառակի վաստակ է... քանի որ, ամենատգետ հայն էլ վաղուց պիտի իմանար, որ Արցախը տարածք չէ, այլ ազգային գաղափարի խորհրդանիշ… հիմա, փաստը մեկն է.
առայսօր որևէ մեկը չի ձերբակալվել ազգային գաղափարի դեմ, արցախցու դեմ վայրահաչոցի պատճառով...հարցս շատ կարճ է՝ ինչո՞ւ: Այս մասին ֆեյսբուքյան իր էջում գրել է լրագրող Բելլա Լալայանը: 

«Դուք մտածում եք, որ ազգային գաղափարը կարելի է ոտի տակ գցել, արցախցուն կարելի է վիրավորել, շիրակցուն կամ արարատցուն՝ ո՞չ: Ինչո՞ւ, առայսօր, որևէ մեկը պատասխանատվության չի ենթարկվել:

Կարո՞ղ եմ ենթադրել, որ դուք ձեր անտարբերությամբ, պարզապես, նպատակ եք ունեցել խրախուսել ազգային միաբանության, գաղափարի ու արցախցիների հանդեպ վայրահաչոցը: Նպատա՞կ եք հետապնդել խորացնել ջրբաժանը և ազգի երկու հատվածը թշնամի դարձնել, թե՞ պարզապես համարում ե՛ք, որ Արցախի պարագայում սահմանադրության՝ արժանապատվության մասին հոդվածը կարելի է արհամարհել, արարատցու կամ շիրակցու դեպքում սահմանադրությամբ պիտի առաջնորդվեք, որովհետև՝ ինչ՞՝ շիրակցին կամ արարատցին արժանապատվություն ունի, արցախցին՝ ո՞չ:

Էլի եմ ասում ու շեշտում. Արցախցու արժանապատվությանը կասկածողը թուրքից առավել թուրք է, բայց հարցս մնում է բաց. ձեր անգործությունը ինչ բացատրություն ունի՞»: