Այս տեսանյութերում արձանագրված դրվագները ոչ այլ ինչ են, քան՝ մարդու առևանգում. Գոհար Մելոյան

Սահմանադրական իրավունքի մասնագետ Գոհար Մելոյանը ֆեյսբուքյան իր էջում գրել է.

«Ներքոհիշյալ տեսանյութերում, և, ոչ միայն, արձանագրված դրվագները ոչ այլ ինչ են, քան՝ մարդու առևանգում։

ՀՀ քրեական օրենսգրքի համաձայն՝ բռնության կամ բռնություն գործադրելու սպառնալիքի միջոցով մարդուն գաղտնի կամ բացահայտ առևանգումը քրեորեն պատժելի արարք է։

Խնդրում եմ հանդես գալ հայտարարությամբ՝ պարզաբանելով տեղի ունեցող բացահայտ ապօրինի գործելաոճը եւ ծառայողական քննություններ մեկնարկել։

Իսկ ոստիկանները պետք է մտապահեն, որ ղեկավարի ապօրինի հանձնարարականի իրականացումն իրենց չի ազատելու պատասխանատվությունից»: