Ավետիքն ու իր նմանները քանդում են իրենց համար կոնֆետային սխեմաները ու ամենամեծ հարվածը իրենց դեմ է ուղղված լինելու. Ստեփան Դանիելյան

Անդրադառնալով քաղաքական-հասարակական գործիչ Ավետիք Չալաբյանի կալանավորմանը՝ Ստեփան Դանիելյանը, գրում է.

«Ինչու կալանքի վերցրեցին Ավետիք Չալաբյանին.

Պատճառը հասկանալու համար նախ մի օրինակ բերեմ։ 1996-ի ընտրությունների ժամանակ Տեր-Պետրոսյանի թիմն ամեն ինչ արեց, որ նախագահական ընտրությունների ժամանակ հիմնական հակառակորդը լինի կոմունիստ, այն դեպքում' Բադալյանը։

Միջազգային կոնյուկտուրայի առումով դա լավագույն տարբերակն էր' Արեւմուտքի համար Տեր-Պետրոսյանի հաղթանակը կլիներ կոմունիստների ռեւանշի դեմ հաղթանակ, իսկ Ռուսաստանի համար, որտեղ Ելցինը պայքարում էր կոմունիստ Զյուգանովի դեմ, Հայաստանում կոմունիստների հաղթանակը կլիներ վատ նախադեպ։

Ներքաղաքական կյանքում եւս իշխանության եկած նոր էլիտայի համար կոմունիստների ռեւանշի վտանգը "նորերին" կմիավորեն Տեր-Պետրոսյանի շուրջ։

Բայց, հիմնական մրցակիցը դարձավ Վազգեն Մանուկյանը, ինչը ջարդեց բոլոր սխեմաները ու միայն ուժ կիրառելով, ռեպրեսիաներով ու հատուկ դրություն հայտարարելով կարողացան իշխանությունը փրկել։

Հիմա գործող իշխանությունը նույնպես նմանատիպ սխեմա է փորձում իրականացնել։

Ռուսաստանին ցույց է տալիս, որ գործող ընդդիմությունը նացիոնալիզմը ռեւանշիստներ են, ու եթե գան իշխանության, ապա կարող է նոր պատերազմ սկսվել, որին կներգրավեն Թուրքիան, Իրանը ու նոր մեծ ռեգիոնալ պատերազմ կսկսվի, որը Ռուսաստանի համար կբացի երկրորդ ճակատ։ Իսկ Արեւմուտքին ցույց է տալիս, որ գործող ընդդիմությունը պրոռուսական ուժեր են, ներքաղաքական ճակատում էլ օգտագործում է նախկին-ներկա սխեման, որտեղ նախկինները թալանչիներ ու կոռուպցիոներներ են։

Ցանկացած նոր դեմք, կամ դեմքեր, որոնց կխաթարեն այդ սխեմաները, իրական վտանգ են գործող կառավարության համար։ Դրա համար Ավետիքն ու  իր նմանները քանդում են իրենց համար կոնֆետային սխեմաները ու ամենամեծ հարվածը իրենց դեմ է ուղղված լինելու»։