Զելենսկին դժգոհություն է հայտնել Մակրոնից

Ֆրանսիայի նախագահ Էմանուել Մակրոնը փորձել է հաջողության հասնել Ուկրաինայի և Ռուսաստանի միջև միջնորդության հարցում՝ առաջարկելով ինքնիշխանության զիջումներ նախագահ Վլադիմիր Զելենսկիին։ Ուկրաինայի ղեկավարը վճռականորեն մերժել է այս առաջարկը։ Այս մասին Զելենսկին հայտարարել է իտալացի լրագրողներին տված հարցազրույցում։

«Մենք չպետք է ելք փնտրենք Ռուսաստանի համար, և պարոն Մակրոնն իզուր է դա անում: Ես կարծում եմ, որ նա հիանալի փորձ ունի, որ մինչև Ռուսաստանը դա չուզի, ոչինչ չի փնտրի… Նա ուզում էր ստանալ որոշակի միջնորդություն, ես դրանք չգտա, և ոչ թե մեր կողմից, այլ Ռուսաստանից»,- ասել է Զելենսկին։

Ուկրաինայի նախագահը նաև ասել է, որ Մակրոնն իրեն առաջարկել է որոշակի զիջումների գնալ Ուկրաինայի ինքնիշխանության հարցում՝ Պուտինի դեմքը փրկելու համար։ «Ինձ թվում է, որ դա այնքան էլ կոռեկտ չէ որոշ առաջնորդների կողմից: Մենք պատրաստ չենք ինչ-որ մեկի համար ինչ-որ բան խնայել և դրա համար կորցնել մեր տարածքները: Ինձ թվում է, որ սա լիովին անարդար է: Սա իզուր ժամանակ է»,-ասել է Զելենսկին: