Նիկոլ Փաշինյան, հավաքիր քո շքախմբին ու ռադդ քաշիր Հայաստանից. պատերազմում ոտքերը կորցրած քաղաքացի (տեսանյութ)

Թույլ չպիտի տանք, որպեսզի թուրքը քայլ դնի այն տարածքների վրա, որտեղ մեր հերոսների մեր տղաների արյունն է թափվել: Դա չպիտի թույլ տանք նույնիսկ մահի գնով: Այս մասին այսօր Ֆրանսիայի հրապարակում ասաց պատերազմի ընթացքում երկու ոտքը կորցրած ցուցարարը, ում ինչ-որ մի վարորդ երեկ ասել էր՝ ճամփա փակող տղա ես, արա´, գնա թուրքի դեմը փակի:

«Ինչ վերաբերում է երեկվա միջադեպին, բոլորս էլ գիտենք, որ սրիկաներ շատ կան, ամեն ինչը գիտենք, տեղերը գիտենք, հեռու չեն կարող փախչել: Նրանք չգիտեն՝ խրամատն ինչ է, Արցախի տեղը, սրբապիղծ են ու առաջին հերթին դավաճանում են իրենց հայրենիքը, իրենց ծնողներին»,- ասաց նա և կոչ արեց միասնության: 

«Ժողովուրդ ջան, միասնությունը լավ բան ա, մեր հայ ազգը խասյաթ ունի, մինչև ոսկորին չի հասնում՝ իրար չի գալիս: Եկեք չհասցնենք ոսկորին, որ մարդ մահանա կամ մի բան լինի, որ Փաշօղլին թողնի, էստեղից գնա: Լաոն զարթնել է: Ով Լաոյի կողքը չկանգնի, նա սրիկա է և իրավունք չունի ՀՀ ոտք դնի: Մենք կռիվ չենք տվել, որ էսօր թուրքերի հետ ապրենք, մենք կռիվ ենք տվել, որ ազատ, անկախ հայրենիք ունենանք, մեր հողի տերը լինենք, մեր երեխեքը թուրքական կրթություն չստանան: Եվ դա, կարելի է ասել, իրականություն է դարձել: Պիտի բոլորս իմանանք՝ Արցախը, եթե հանձնեցինք, հանձնելու ենք Սյունիքը, Սևանը և այլն, Երևանը պարզ է ինչ է լինելու: Ով համաձայն է թուրքի հետ Հայաստան, Արցախ աշխարհում ապրի, թող գնա Բաքու՝ Ալիևի հետ ապրի»:

Խոսելով կառավարության մասին՝ նա ասաց, որ կառավարությունը չակերտավոր է կառավարություն, մենք չունենք կառավարություն. «Այնտեղ նստած են զրո մարդիկ, այնտեղ չկա մարդ: Նրանք ոչնչություն են ու նորից եմ ասում՝ Նիկոլ Փաշինյան, հավաքիր քո շքախմբին ու ռադդ քաշիր Հայաստանից: Այսուհետ թող իմանա կառավարությունը՝ իմ անունը Արցախ է, ազգանունս՝ Հայաստան, իմ անվան հետ խաղալ չի կարելի»,- ասաց նա, ինչին հետևեցին ցույցի մասնակիցների ծափահարություններն ու վանկարկումները՝ «Հերոս, հերոս»: