ՀՀԿ-ի «մանկլավիկ»-ը վտանգի հոտ է առել` Աստծուն է հիշել

Համացանցում հայտնվել է ՀՀԿ խմբակցության պատգամավոր, կուսակցության երիտասարդական թևի ղեկավար Կարեն Ավագյանի նկարը, որտեղ երիտասարդը  ծնկաչոք աղոթում է:

Այս իրադարձությանը թեևս կարելի է չանդրադառնալ, հատկապես, որ Կարեն Ավագյանն, ըստ էության, լուրջ դեմք չէ և կուսակցությունում էլ հազիվ, թե գտնվի մեկը, ով հաշվի նստի նրա հետ:

Սակայն մյուս կողմից էլ հետաքրքիր է` ինչն է երիտասարդ հանրապետականին  ծնկի բերել Աստծո առաջ…

Իհարկե Սահմանադրական փոփոխություններից հետո սկսել են որոշ քաղաքական ինտրիգներ հասունանալ ու չի բացառվում նաև, որ փոփոխություններ լինեն նաև հանրապետական կուսակցության ներսում, բայց մեր երիտասարդ հանրապետականի «դիրքին», եթե դա կարելի է այդպես անվանել, ինտրիգները հազիվ թե ազդեն:

Գատնիք չէ, որ Կարեն Ավագյանը ՀՀԿ-ի կողմից ԱԺ-ում հայտնվում է զուտ որևէ առիթի դեպքում ՀՀԿ-ի «պատվերով» ելույթներ կարդալու ու մեկ էլ,  քվեարկությունների ժամանակ, գլխաքանակ ապահովելու համար: Իսկ լավագույն դեպքում էլ կարող է ակցիաների տեսքով այս կամ այն կառույցներին ու ուժերին «մեսիջներ» փոխանցել` դարձյալ իշխանական կուսակցության կողմից:

Ու հիմա հետաքրիքրն այն է, թե այս  ՀՀԿ-ի «մանկլավիկ»-ի ինչին է պետք եկել ծնկել, ի ցույց դնելով իր մեղանչական վիճակը, (քանի որ հստակ երևում է, որ նրան պատահաբար չեն նկարել). Ծնկել է, որ ի՞նչ խնդրի կամ ի՞նչ ասի…

Կարելի է մտածել, որ իրեն հերոսի տեղ դրած, ՀՀԿ-ին հետապնդող կրակն անեծք համարող Կարենը փորձում է կուսակցությանն ազատել անեծքից ու կուսակցության ներսում խմորվող հնարավոր պառակտումներից խուսափելու համար աղոթում է… բայց ոչ.

երևի ՀՀԿ-ի «մանկլավիկ»-ը մոտեցող վտանգի հոտ է առել, ու ծնկել է Աստծո առաջ սեփական կաշին փրկելու համար. ինչպե՞ս անի, որ այս անգամ էլ անփորձանք «պլստա»…

Սա իհարկե ավելի համահունչ է նրա կարգավիճակին ու գործելաոճին:

Բայց Ավագյանը հաշվի չի առել մի պարզ ճշմարտություն. Աստված բարեգութ է նրանց հանդեպ, ովքեր հետևում են իր պատվիրաններին ու Աստծո անունը զուր տեղը չեն հոլովում…