Ժամը 19:00-ին իրազեկման հավաք-քննարկում ենք նախատեսում Ծարավ Աղբյուրի պուրակում. Չալաբյան

Մեր Համախմբումը շարունակում ենք իր արշավը՝ հանուն Արցախի և հայոց պետականության։ Այս մասին այսօր՝ ապրիլի 25-ին, ֆեյսբուքյան իր էջում գրել է «5165 շարժման» համախոհ, քաղաքական-հասարակական գործիչ Ավետիք Չալաբյանը:

Նա, մասնավորապես, նշել է.

«Հայոց Ցեղասպանության հիշատակի օրվան հաջորդող ապրիլյան շաբաթվա ընթացքում, մենք նախատեսում ենք իրազեկման միջոցառումներ անցկացնել Երևանի տարբեր վարչական շրջաններում, ինչպես նաև Հայաստանի մի շարք բնակավայրերում:

Այսօր երեկոյան, 19:00, մենք իրազեկման հավաք-քննարկում ենք նախատեսում Ծարավ աղբյուրի նորակառույց թաղամասի Համալսարանական պուրակում։ Կխոսենք նրանից, թե գործող իշխանությունը ինչու է փորձում ձերբազատվել Արցախից, ինչպես է նա այս ընթացքում ձախողել մեր բանակի մարտունակության վերականգնումը, և ինչպես կարելի է նորից ամրապնդել մեր պաշտպանունակությունը և անվտանգությունը՝ առանց ստորացուցիչ զիջումներ անելու թշնամուն։

Սպասում ենք Ծարավ Աղբյուրի թաղամասում և շրջակայքում բնակվող մեր ընկերներին և համակիրներին այս քննարկմանը, և համոզված ենք, որ միասին մենք կարող ենք իրականություն դարձնել այն ամենը, ինչ այսօր պատրաստ ենք ձեզ ներկայացնել»։