Եթե Նիկոլն ասի՝ ձեր երեխեքին կբերեք հրապարակ, ես պիտի ուտեմ, հեչից մի 1000 հոգի երեխու ձեռքը բռնած կգնա․ Արմեն Գրիգորյան

Մեզ պետք չէր ասել, որ Արցախը Հայաստան է։ Մենք մտածում ենք, որ Արցախը Հայաստանի մաս է։ Այս մասին Ազատության հրապարակում լրագրողների հետ զրույցում ասաց կինոռեժիսոր Արմեն Գրիգորյանը։ 

Նրա խոսքով՝ Նիկոլ Փաշինյանը 4 տարի առաջ՝ 2018թ-ին, մեր թշնամիների հետ պայմանավորվեց հանձնել Արցախը։ 

«Մեկը ես չէի հավատում։ Չէր կարա լիներ տենց բան, դե չէր կարա․․․ Մարդուց առհասարակ նման բան չես սպասի։ 2020 թվականին դարձավ ակնհայտ, որ այդ մարդը պայմանավորվել է ոչ միայն մեր մեջքի հետևում, այլև առհասարակ՝ նա Արցախը հանձնեց: Ու ես կարծում եմ՝ քեշ փողով է պայմանավորվել։ Չունեմ ես այլ բացատրություն։ 400-500 հազար ազերի կա Հայաստանում, որոնք անձնագրերով և յան ազգանունով գնացին քվեարկեցին, որ եկեք Արցախը տանք Ադրբեջանին ու հանգիստ ապրենք, դե հետո, ոչինչ, Սյունիքն էլ կտանք, հանգիստ կապրենք, Տավուշն էլ կտանք, դե Սևանն էլ։ Դե ոչինչ, Սևան էլ չենք գնա հանգստանալու, բայց մենք էժան պոմիդոր կուտենք։ Ինքն ամրացրեց իր ոտքը։ Ինքը հո չի եկել իշխանության, իրեն բերել են։ Հիմա ինքը պիտի ավարտի։ Ինքն էլ տարբերակ չունի, բարձրանում է ԱԺ ամբիոն ու բաց խոսում, որ առանց զոհերի կարող էր Արցախը տալ։ Ու ես զարմացա, որ որևէ զինվորի ծնող, բարեկամ չասաց՝ ո՞նց։ Հիմա որ ասի՝ վաղը ժամը 7-ին ձեր երեխեքին պիտի բերեք ես իրանց պետք է ուտեմ, կասկածո՞ւմ եք, որ հեչից մի 1000 հոգի չեն գնա։ Ոնց էլ չլինի հենց 1000 հոգի կգնա հրապարակ՝ երեխաների ձեռքերը բռնած, որ Նիկոլն իրենց երեխաներին ուտի»: