Այսօր Խաչատուր Սուքիասյանը միլիարդների տեր է, առաջին թալանչիներից, իսկ ինչպե՞ս է հարստացել Գուրգեն Արսենյանը․ Իսագուլյան

Այսօր Խաչատուր Սուքիասյանը միլիարդների տեր է, առաջին թալանչիներից։ «Ռոսիա» կինոթատրոնը՝ մշակույթի օջախ․․․ Լավ, մշակութային օջախն ո՞վ է առաջինը շուկա դարձրել, «Ռոսիա»-ի ամբողջ շրջակայքն ովքե՞ր են շուկայի տարածք դարձրել։ Մարդկանց շենքերի դիմացը փակել էին, մարդկանց մեքենաները մնացել էին գարաժներում։ Ինքը փակել էր, մի հատ հյուրանոց էր սարքել։ Մարդիկ մինչև այսօր չեն կարողանում իրենց մեքենաները հանել։ Մետրոյի վրա շինարարություն է անում։ Այս մասին «Հայելի» ակումբում հայտարարեց քաղաքական-հասարակական գործիչ, «Ազգային անվտանգություն» կուսակցության նախագահ Գառնիկ Իսագուլյանը։ 

Նրա խոսքով՝ Սուքիասյանի միլիարդները պետք է հանել և ձեռքից առնել՝ մինչև վերջին կոպեկը ու տալ բանակին, տալ զոհվածների հարազատներին, դրանց համար տներ կառուցեն։

«Շուկա են կառուցում՝ ինչի՞ համար։ Թուրքական ապրանք ներկրեն Հայաստա՞ն։ Կամ ճշտեին, թե Գուրգեն Արսենյանը որտեղի՞ց է հարստացել։ Մոսկվայում ո՞ւմ հետ, ո՞ւմ գցելով են հարստացել։ Թող այդ մասին մարդիկ մտածեն։ Թող մի հատ ճշտեն, թե որտե՞ղ է նրա հրաստացման սկզբնաղբյուրը։ Հայտարարություն չեն անում, բայց հիմնավոր կասկածելու առիթ ունեմ, քանի որ մարդը հանկարծ հայտնվում է միլիոնատիրոջ կարգավիճակով։ Հայտարարագրերը նայում ես, միայն 1 միլիարդի զարդեր ու նկարներ են։ Ժամացույց ունեն, որի արժեքը մի քանի հազար դոլար է։ Բա այդ կարգի մարդն իրավունք ունի Արցախի անունից խոսե՞լ»,- ասաց Իսագուլյանը։