Գորիս համայնքի սահմանամերձ Որոտանում բնակարանամուտ է տոնել 6 ընտանիք

Գորիսի համայնքապետարանի ֆեյսբուքյան էջը  տեղեկացնում է, որ Սյունիքի մարզի սահմանամերձ Որոտան համայնքում  Գորիս համայնքի միջոցներով  հիմնովին նորոգվել է համայնքային նշանակության շենքը, 6 ընտանիք բնակարանամուտ է տոնել:

6 ընտանիքներից 3-ը Արցախից տեղահանված են:

«Ուրախալի է, որ որոտանցիները ամուր պահում են բնակավայրը, այն վերաբնակեցվում է, նոր ընտանիքներ են տեղափոխվում: Առաջիկայում նաև ոռոգման ջրագծերի կառուցման ծրագիրը կմեկնարկի: 6 ընտանիքները վաղուց էին սպասում, նրանց համար անհնարին թվացող խնդիրներն այսօր լուծվել է: Համայնքի խնդիրն է, կառուցել, շենացնել՝ բնակիչների համար ստեղծելով պայմաններ»,– ասված է  հաղորդագրությունում։