Տարակուսելի է, որ ՌԴ խաղաղապահներն ԱԺ պատգամավորներին թույլ չեն տվել մտնել Արցախ. Փաշինյան (տեսանյութ)

Տարակուսանքի տեղիք է տալիս այն փաստը, որ ՌԴ խաղաղապահները չեն թույլատրել ԱԺ ընդդիմադիր պատգամավորների մուտքը Արցախ. ՀՀ վարչապետ

Նիկոլ Փաշինյանի համար ԼՂ-ում ռուս խաղաղապահների գործունեության հետ կապված հարցեր են առաջացել: Այս մասին նա հայտնեց Ազգային ժողոցում իր ելույթի ժամանակ՝ անդրադառնալով Փարուխ գյուղում ադրբեջանցիների առաջխաղացմանը:

Նա նշեց, որ այս պահին կարևոր է, որ ՌԴ խաղաղապահ զորախումբը միջոցներ ձեռնարկի իր պատասխանատվության գոտուց ադրբեջանական ստորաբաժանումները դուրս բերելու համար: Փաշինյանի գնահատմամաբ, սա բացարձակ անհրաժեշտություն է ու լրջագույն փորձություն Լեռնային Ղարաբաղում ռուս խաղաղապահների համար:

Փաշինյանի համար տարակուսելի նաև այն, որ երեկ՝ ապրիլի 12-ին, ՌԴ խաղաղապահները ՀՀ ԱԺ ընդդիմադիր պատգամավորներին թուլ չեն տվել մուտք գործել Արցախ:

«Այդ գործելակերպը հակասում է նոյեմբերի 9-ի եռակողմ հայտարարության այն դրույթին, որովհետև Լաչինի միջանցքը հենց դրա համար է նախատեսված, որ ապահովի Լեռնային Ղարաբաղի ու Հայաստանի կապը: Միջանցքում որևէ կարգի ստուգման գործառույթ նախատեսված չէ, առավել ևս, ԱԺ պատգամավորների շարժը արգելելու», - ընդգծեց Փաշինյանը