Ուկրաինան փոխել է իր բանակցային գործընթացը, Վլադիմիր Պուտին

Կիեւը հեռացել է Ստամբուլի բանակցություններում ձեռք բերված պայմանավորվածություններից եւ վերստին վերադարձել է փակուղային դրությանը։ Այս մասին հայտարարել է Ռուսաստանի նախագահ Վլադիմիր Պուտինը։ «Մենք Ստամբուլում պայմանավորվածությունների որոշակի մակարդակի հասանք, որոնք վերաբերում էին Ուկրաինայի անվտանգության երաշխիքներին, որոնց համաձայն, դրանք չեն վերաբերելու Ղրիմին, Դոնբասին  եւ Սեւաստոպոլին։ Այնուհետեւ, ինչպես տեսաք, մենք բանակցությունների շարունակման համար բարենպաստ պայմաններ ապահովելու համար որոշ քայլեր կատարեցինք։ Եւ ահա մենք բախվեցինք Բուչաի սադրանքին եւ ինչը որ ամենից կարեւորն է, ուկրաինական կողմը հեռացել է Ստամբվուլյան բանակցությունների պայմանավորվածություններից։ հիմա արդեն անվտանգության երաշխիքները մեկ բան են, իսկ հարաբերությունների կարգավորումը Ղրիմի, Սեւաստոպոլի եւ Դոնբասի հետ կապված դուրս են համարվում այդ պայմանավորվածությունների շրջանակներից։ Այսինքն, իրենց համար փակուղային վիճակի են վերադարձել, որը նաեւ փակուղային է մեր եւ բոլորի համար»,- ասել է Ռուսաստանի նախագահն ու հավելել՝ իրեն զեկուցել են, որ Ուկրաինան փոխել է իր բանակցային գործընթացը։