Մինչ չինովնիկները «պախմելիայի» մեջ են, Սևան –Երևան մայրուղում հերթական շղթայական ավտովթարն է լինում. (տեսանյութ)

Արդեն մի քանի օր է Տարածքային կառավարման և արտակարգ իրավիճակների նախարարությունը օրվա մեջ մի քանի անգամ հրապարակում է տեղեկատվություն հանրապետության ճանապարհների անցանելիության մասին: Այս տեղեկատվության մեջ հիմնականում նշվում են դժվարանցանելի և անանցանելի միևնույն ավտոճանապարհները:

Ստացվում է այնպես, որ այս մայրուղիների վրա ընդհանրապես մաքրման աշխատանքներ չեն կատարվում, քանի որ միևնույն ավտոճանապարհներին անընդհատ ձյան առատ շերտի պատճառով վթարներ են տեղի ունենում:

Այն, որ բքի պատճառով ճանապարհներն անընդհատ փակվում են` հասկանալի է, սակայն, որ պատկան մարմինները կարող են ու չեն տեղաբաշխում համապատասխան մարդկային ռեսուրսներ և տեխնիկա ճանապարհների անվտանգությունն ապահովելու համար` հասկանալ հնարավոր չէ:

Մյուս կողմից էլ ճանապարհների մաքրելու համար գումարներ պետք է ներդրվեն, որը չինովնիկները նախընտրում են գրպանել: Իսկ երբ պատասխանատվության կանչեն` կպատճառաբանեն, թե ձյունառատ ճանապարհների մեղավորը բուքն էր:

Ու մինչ նույն այդ չինովնիկներն իրենց տաքուկ բնակարաններում մարդկանց կյանքի հաշվին փող են ուտում, ու նոր տարվա հարբածությունից փորձում են խումարաթող լինել, ձյան առատ տեղումները շարունակվում են` փակելով նոր ճանապարհներ ու ստեղծելով նոր վթարային իրավիճակներ:

Տեսանյութում Սևան-Երևան մայրուղու վրա տեղի ունեցած մի պատահար է. բախվել են միանգամից մի քանի մեքենա, ինչի մասին դեռևս չի բարձրաձայնվել: Ու հարց է, թե դեռ քանի նման պատահարների մասին չինովնիկները չեն խոսի: