MFC 1 մրցաշարը երկար սպասված էր, քանի որ բացառիկ էր Հայաստանի սպորտային պատմության մեջ. MFC 1 մրցաշարի Matchmaker-ի հարցազրույցը (ֆոտո)

Exclusive.am-ի զրուցակիցն է MFC մրցաշարի matchmaker Լևոն Հակոբյանը։

-Հարգելի Լևոն, կխնդրեինք ներկայացնեք, թե ինչպես անցավ MFC 1 մրցաշարը և արդյոք արդարացվեցի՞ն Ձեր սպասումները։

-Այո, կարծում եմ MFC 1 մրցաշարը արդարացրեց բոլորիս սպասումները և միջազգային մեծ արձագանք բերեց մեզ։

MFC 1 մրցաշարը երկար սպասված էր, քանի որ իր տեսակով և կազմակերպչական աշխատանքներով բացառիկ էր Հայաստանի սպորտային պատմության մեջ։

MFC ակումբի հիմնադիր-նախագահ Ռոբերտ Ղազանչյանի գլխավորությամբ Երևանում կայացավ մեգասպորտային երեկո։

Արտերկրից ժամանող մարզիկների պահով ունեցանք բարդ իրավիճակ չվերթների հետ կապված՝ ՌԴ-ի և Ուկրաինայի միջև պատերազմով պայմանավորված։ Չնայած այդ ամենին, չխնայելով ոչ մի բան, լուծեցինք այդ առաջացած խնդիրները։

Մրցաշարը համարում եմ ստացված, քանի որ Հայաստանի պատմության մեջ առաջին անգամ մեծ ռինգում մասնակցություն ունեցան համաշխարհային հայազգի մարզիկներ՝ Հարութ Գրիգորյան, Արմեն Պետրոսյան, Ժորա Հակոբյան, որոնք հանդես են եկել համաշխարհային մեծ մրցաշարերում՝ Glory, One Championship, Enfusion:

Նշված մարզիկներն ունեն համաշխարհային ճանաչում և նվաճել են մի շարք աշխարհի տիտղոսային գոտիներ։

Նաև ունեցել ենք հատուկ հյուրեր, որոնց մեջ կարող եմ թվարկել համաշխարհային ճանաչում ունեցող մարզիկների` բռնցքամարտիկ Կարո Մուրադ, քիք բռնցքամարտիկ Ջիորջիո Պետրոսյան, հայազգի լեգենդ UFC մարզիկ Մանի Գամբուրյան, Ռուսաստանի Դաշնությունում բնակվող MMA մարզիկ Ռաֆայել Աբրահամյանը:

Ներկա էին նաև Եգիպտոսի կիք-բոքսի ֆեդերացիայի նախագահ Մոհամեդ Սոբիհը, ինչպես նաև ԱՄՆ-ից բացառիկ համաշխարհային ճանաչում ունեցող սպորտի մեծ բարեկամ Lightsout-ի հիմնադիրը՝ Ջորջ Բաստմաջյան, Super Nova- ի հիմնադիր Դանիել Գերարդը:

Մրցաշարին նաև մասնակցել են այլ երկրներ ներկայացնող` աշխարհի չեմպիոն մարզիկներ:

- Շատ լավ, Լևոն, իսկ ի՞նչ կասեք հետագա քայլերի մասին, ի՞նչ հեռանկարներ ունեք և արդյոք Հայաստանում տվյալ մրցաշարեր իրականացնելն արդյունավետ կամ շահավե՞տ են։

-Իսկապես շատ կարևոր հարց տվեցիք։

Կարծում եմ` ֆինանսական կտրվածքով, իհարկե, Հայաստանում ձեռնատու չի, քանի որ չունենք մեծ և ժամանակակից սպորտային համալիրներ: Եվ իհարկե հասարակությունը նույնպես դեռ պատրաստ չէ այսպիսի մրցաշարերին, բայց կարծում եմ` մեզ կհաջողվի Հայաստանում նույնպես ստեղծել մեծ «Fun Club» տվյալ սպորտաձևերում։

Այսպիսի մրցաշարեր կազմակերպելու համար պետք են մեծ գումարներ և իհարկե հովանավորներ, քանզի առանց այս երկու գործոնի անհնար է այսպիսի մրցաշար անցկացնել։

Օգտվելով առիթից` շնորկակալություն եմ հայտնում մեր մրցաշարի գլխավոր հովանավոր vbet ընկերությանը։

Ինչ վերաբերվում է հետագա մրցաշարերին, ապա մենք այժմ նախապատրաստական աշխատանքների մեջ ենք և առաջինը կարող եմ տեղեկացնել, որ սույն թվականի
մայիսի 15- ին ՌԴ Սամարա քաղաքում կազմակերպել ենք Open Fighting Championship- ի հետ համատեղ շատ մեծ մրցաշար և շուտով կհրապարակենք, թե ովքեր են մասնակցելու մրցաշարին:

2022 թվականին մենք հանդես կգանք 2-3 մրցաշարերով, թե´ Հայաստանից դուրս, թե´ Հայաստանում։

Ուզում եմ տեղեկացնել նաև, որ այսուհետև մեր մրցաշարերում մենք հանդես ենք գալու EFC (Exclusive Fighting Championship) անվանումով , քանի որ MFC ֆորմատը և կանոնադրությունը վերաբերում է միայն ակումբին, որի նպատակային գործունեությունն այլ է։

Մանրամասները` սկզբնաղբյուր կայքում