Եթե ձեր ներկայիս ձեւաչափն այլընտրանք չունի, եւ պարզապես ելք չկա, ապա մնում է միայն ինքնալուծարումը. Զելենսկի

Ուկրաինայի նախագահ Վլադիմիր Զելենսկին, ՄԱԿ Անվտանգության խորհրդում խոսելով Ռուսաստանի Դաշնության «վայրագությունների» մասին,  կոչ արել «հարկադրել ագրեսորին խաղաղության, կամ ինքնալուծարվել»։

Զելենսկու ելույթը, ըստ ՈՒՆԻԱՆ-ի,  հեռարձակվել է մեկ տեղեկատվական հեռուստամարաթոնի եթերում:

 ըստ Ուկրաինայի նախագահի՝  Ռուսաստանը ցանկանում է ուկրաինացիներին «լուռ ստրուկների» վերածել։

«Մենք գործ ունենք մի պետության հետ, որը ՄԱԿ-ի վետոն վերածում է մահվան իրավունքի եւ խարխլում է համաշխարհային անվտանգության ամբողջ ճարտարապետությունը, ինչը թույլ է տալիս չարին անպատիժ մնալ եւ տարածվել աշխարհով մեկ՝ ոչնչացնելով այն ամենը, ինչ կարող է աշխատել խաղաղության եւ անվտանգության համար: Եթե այսպես շարունակվի, ապա վերջը կլինի այն, որ պետություններից յուրաքանչյուրը կկարողանա իր անվտանգությունը երաշխավորելու համար հույսը դնել միայն զենքի ուժի վրա, այլ ոչ թե միջազգային իրավունքի, ոչ թե միջազգային ինստիտուտների։ ՄԱԿ-ը կարելի է միայն փակել»,- ասել է նա և նշել, որ եթե ՄԱԿ-ում պատրաստ չեն փակմանը, ապա «պետք է անհապաղ գործեն, քանի որ անհրաժեշտ է անհապաղ վերադարձնել ՄԱԿ-ի կանոնադրության լիազորությունները, բարեփոխել ՄԱԿ-ի համակարգը, որպեսզի վետոյի իրավունքը մահվան իրավունք չլինի, հարկադրել ագրեսորին խաղաղության»։

«Այժմ մեզ անհրաժեշտ է ՄԱԿ Անվտանգության խորհրդի որոշում Ուկրաինայում խաղաղության համար։ Եթե չգիտեք ինչպես կայացնել այս որոշումը, ապա կարող եք երկու բան անել՝ կա՛մ հեռացնել Ռուսաստանին որպես ագրեսորի՝ արգելափակելով պատերազմի աղբյուրը, սեփական ագրեսիան, իր իսկ պատերազմը, եւ հետո անել ամեն ինչ՝ խաղաղություն հաստատելու համար: Կամ ցույց տվեք, թե ինչպես կարելի է վերաձեւավորվել եւ աշխատել իսկապես հանուն խաղաղության: Կամ, եթե ձեր ներկայիս ձեւաչափն այլընտրանք չունի, եւ պարզապես ելք չկա, ապա մնում է միայն ինքնալուծարումը։ Համոզված եմ, որ դուք կարող եք առանց երրորդ տարբերակի»,- եզրափակել է Զելենսկին։