2022թ Իտալիային ադրբեջանական գազի մատակարարումների ծավալը կկազմի 9,5 մլրդ խորանարդ մետր

«Ինտերֆաքսը»-ի փոխանցմամբ՝ Ադրբեջանի էներգետիկայի նախարար Փարվիզ Շահբազովը  հայտարարել է, որ  Ադրբեջանից Իտալիա գազի երկարաժամկետ եւ սփոթ պայմանագրերով մատակարարումները 2022թ․ 9,5 մլրդ խորանարդ մետր կկազմեն:

2021թ․ Իտալիային ադրբեջանական գազի մատակարարումների ծավալը կազմել է մոտ 7 մլրդ խորանարդ մետր։

Շաբաթ օրը Բաքվում «Ադրբեջան-Իտալիա. Ճանապարհ, որ տանում է դեպի բազմակողմ ռազմավարական գործընկերության ամրապնդում» համաժողովի ժամանակ Շահբազովը հայտարարել է՝  ընթացիկ տեմպերի պահպանման դեպքում Ադրբեջանից Իտալիա գազի երկարաժամկետ եւ սփոթ պայմանագրերով մատակարարումները 2022թ․ 9,5 մլրդ խորանարդ մետրի կհասնեն:

Նրա խոսքով, TAP գազատարի ընդլայնումը (որով ադրբեջանական գազը գնում է Եվրոպա) թույլ կտա մեծացնել գազի մատակարարումները ոչ միայն Իտալիա, այլեւ եվրոպական այլ երկրներ։ «Ուստի մենք բոլոր շահագրգիռ կողմերին հրավիրում ենք մասնակցել դրան (գազատարի ընդլայնմանը)»,- ընդգծել է նա և ավելացրել, որբ 2020թ․ դեկտեմբերի 31-ից TAP-ով Եվրոպա է մատակարարվել ավելի քան 10 մլրդ խորանարդ մետր գազ։

Նախարարը կոչ է արել իտալական ընկերություններին գնահատել Եվրոպա հողմային էներգիայից եւ «կանաչ» ջրածնից ստացված «կանաչ էներգիա» արտահանելու հարցում համագործակցության հնարավորությունը։