Ինչպե՞ս Տարոն Մարգարյանն էլ Աշոտյանի օրը չընկավ

Մայրաքաղաքի բոլոր վարչական շրջաններում չընդհատվող ժամանակացույցով շարունակվում են տեղացած ձյան մաքրման և ձնահեռացման աշխատանքները:

Այսպիսի հաղորդարություն էր տարածել Երևանի քաղաքապետարանի տեղեկատվության և հասարակայնության հետ կապերի վարչությունը: Մեկ այլ հաղորդագրությամբ էլ ասվում էր, որ Հունվարի մեկի գիշերը Երևանի քաղաքապետ Տարոն Մարգարյանը շրջայց է կատարել և հետևել ձյան մաքրման ու կուտակված ձյան հեռացման աշխատանքների ընթացքին:

Չնայած նրան, որ պաշտոնապես հայտնում են ձյան մաքրման աշխատանքների մասին, պատկերը մայրաքաղաքում այլ է, հատակապես վարարորդների համար ճանապարհները անանցանելի են: Հետիոտների համար էլ վերջին օրերին մայրաքաղաքը վերածվել է սահադաշտի. քայլում են` պարբերաբար սայթաքելով:

«Մայթերով քայլել չի լինում, խանութ անգամ չեմ ուզում գնամ, երեկ հացը ձեռքիս` ընկա, լավա կոտրվածք չստացա, բայց դա էլ չի բացառվում: Բնակչներից հարկերը տուրքերը վերցնելիս պարտաճանաչ են, իսկ իրենց աշխատանքները թերանում են բարեխիղճ կատարել»,- սրտնեղած նշեց Երևանի 45-ամյա բնակչուհի Կարինե Գրիգորյանը:

Մի շարք բանկիչների խոսքով՝ թե կետրոնում և թե ծայարամասերում գրեթե նույն իրավիճակն է. «ափսոսում են աղը շատ լցնեն, տեխնիկա օգտագործեն, դե մտածում են վաղը մյուս օրը ձուն կգա, ավելի լավ է փողոցներով շրջեն, ցույց տան թե գործ են անում, բայց շատ ծախս չանեն, գրպաները դնեն»,-նշեցին նրանք:

Վրդովված են հատկապես վարորդները: Վարպետ Արամը տաքսի է վարում, ասում է այս օրերին, որպես կանոն, գործ շատ է լինում, բայց հիմա էլ շատ ուղղություններով տաքսու վարորդներն են հրաժարվում քշել, վթարից խուսափել չեն կարող.

«հատկապես Վարդաշեն, Սարի թաղ, Մասիվ, Այգեձոր չենք քշում, սաղ գետինը սառույցա, քշել չի լինում, լավ չեն մաքրում»,-ասաց նա:

Բնակիչներն իրենց դժգոհություններն արտահայտում են նաև սոցցանցերում, անգամ կատակների միջոցով, հարցադրելով, թե ինչպե՞ս Տարոն Մարգարյանը Աշոտյանի օրը չընկավ մայրաքաղաքում շրջելիս: