Որդեկորույս ծնողների փեշերի տակ թաքնվողը՝ Գորիսի հյուրանոցում ու բունկերում «ծանր մարտեր» մղած «Էրատո» ջոկատի հրամանատարը (տեսանյութ)

Ստիպված եմ շարունակել որդեկորույս մայրերի նկատմամբ հանրային պարսավանքի թեման: Այս մասին ֆեյսբուքյան իր էջում գրել է Աննա Հակոբյանը՝ հրապարակած տեսանյութին կից։ 

Հրապարակած տեսանյութում նա մեջբերել ու ընթերցել է առավել գռեհիկ մեկնաբանությունները՝ ծնողների հասցեին, ովքեր մասնակցել են իր կազմակերպած միջոցառմանը։ 

Տիկին Աննան ներկայացրել է, թե իբր ծնողներն ասել են, որ ամաչում են հղի երևալուց հանրության մեջ, որովհետև դա ամոթալի է՝ ըստ ոմանց։ Բայց այս տիկնոջ նպատակը հավանաբար այլ բան է։

Հերթական անգամ նա հասարակությանը բաժանել է յուրայինների ու պայմանական ասած «սևերի»․ վերջիններից նա կերտում է յուրայիններին քննադատողների կեղտոտ կերպար։ Եթե այդպես չէ, ապա Հակոբյանն Աննան կարող էր կարդալ, ասենք, զոհված հերոսի՝ Մխիթար Գալեյանի մոր՝ տիկին Աստղ Գալեյանի լուսանկարի մեկնաբանությունները, որտեղ հայտնի էր դարձել, որը կինը կրկին մայրանալու է։ 

Բայց հարյուրներով դրական մեկնաբանություններ կարդալը Աննայի սրտով չէր լինի, քանի որ նախ տիկին Աստղն իր և իր ամուսնու ամենախիստ քննադատն է, ապա նաև այդկերպ ոչ ոք ոչ մեկի աչքում չէր վարկաբեկվի, ընդհակառակը՝ հանրությունը մի փոքր դրական էմոցիաներ կստանար։ Ինչպե՜ս կարելի է։ Դրանից Աննային ի՞նչ օգուտ․․․

Դրա փոխարեն, Աննան նախընտրում է, օգտագործելով հանրային մեծ ճանաչումը՝ դուրս գրել ու ծնողների հասցեին գրված «կով», «լափած» ու նման արտահայտություններ հնչեցնելը ու մեկին մյուսի դեմ լարելով՝ ևս մեկ չափաբաժին ատելություն գեներացնելը։ 

Տիկինը մանիպուլացնում է, ծաղրում անգամ, թե ըստ որոշ «քոմենթչիների»՝ ծնողները պետք է միայն սև հաց ուտեն։

«Օրինակ՝ զոհված հերոսի մայրը չպետք է ուտի ոչինչ, բացի սև հացից և ջրից․․․ նրա ականջները չպետք է լսեն ուրախ երաժշտություն, առհասարակ երաժտություն, առավելևս ուրախ երաժշտություն, կամ եթե երաժշտություն, ապա միմիայն լացացնող երաժշտություն, նրա աչքերը չպետք է գերեզմանից բացի բան տեսնեն, նրա մազերը պետք է ճերմակած լինեն, մաշկը թառամած, եղունգները կտրտված՝ ի նշան այն բանի, որ առավոտ և երեկո պատերը պատերն է ճանկռում՝ իր ողբը սգալով, մեջքը կորացած պետք է լինի, հագին միմիայն սև, ցնցոտիանման հագուստ պիտի լինի»։

Այս տողերն ավելի շատ վիշտը ծաղրելու, քան կարեկցելու է նման։ 

Այս հանրությունը թերևս այնքան անադեկվատ չէ, որ որդեկորույս ծնողներին ծաղրի հաց ուտելու կամ մազ ներկելու, առավել ևս մանուկ լույս աշխարհ բերելու համար։ Աննան ինքը լավ գիտակցում է, որ ծնողների հասցեին ուղղված քննադատության թիրախը հենց ինքն է՝ Աննա Հակոբյանը՝ Գորիսի հյուրանոցում ու բունկերում «ծանր մարտեր» մղած «Էրատո» ջոկատի հրամանատարը և պատերազմն ու հազարավոր կյանքերը տանուլ տված Նիկոլ Փաշինյանի կողակիցը։ Հենց ի՛նքը և համաձայնելը ի՛ր հետ սեղան նստելու ու հաց կիսելու։ 

Այնպես որ, սրանք ընդամենն էժան շոուներ են․ նա կարող էր նաև ավելի վաղ խնջույք կազմակերպել Արցախյան առաջին պատերազմի զոհերի ծնողների համար, կարող էր ավելի վաղ խոսել Ապրիլյանի զոհերի մայրերի՝ կրկին մայրանալու խնդիրների մասին, բայց չի արել։ Ուրեմն հիմա նա «փորացավ» ունի, ոչ թե նրա խնդիրը իսկապես ծնողների ունեցած խնդիրներն են, այլ նրանց փեշի տակ մտած՝ ինքնամաքրվելը։ 

Փա՛ռք հայրենիքի համար կյանքը գիտակցաբար տվածների հիշատակի առջև։ 

Հազար անեծք նրանց գիտակցաբար մահվան տարածների սերունդներին։

 NEWSRRESS.am