Վլադիմիր Պուտինն ու Էմանուել Մակրոնը քննարկել են Ստամբուլում Ռուսաստանի և Ուկրաինայի միջև կայացած բանակցությունները

Ռուսաստանի նախագահ Վլադիմիր Պուտինը երեքշաբթի օրը Ֆրանսիայի առաջնորդ Էմանուել Մակրոնի հետ հերթական հեռախոսազրույցում շարունակել է քննարկել Ուկրաինայում տիրող իրավիճակը, հաղորդում է Կրեմլի մամուլի ծառայությունը։

«Շարունակվել է կարծիքների փոխանակումը Ուկրաինայի շուրջ իրավիճակի զարգացման ակտուալ ասպեկտների շուրջ, այդ թվում՝ հաշվի առնելով Ռուսաստանի և Ուկրաինայի ներկայացուցիչների միջև այսօր Ստամբուլում ավարտված բանակցությունների հերթական փուլը»,- ասվում է հաղորդագրությունում։

Պուտինը Մակրոնին ասել է այն միջոցառումների մասին, որոնք ռուս զինվորականները ձեռնարկում են Ուկրաինայում հատուկ գործողության ընթացքում մարդասիրական օգնություն ցուցաբերելու և խաղաղ բնակչության անվտանգ տարհանման համար։ Նշվում է, որ նրանք հատուկ ուշադրություն են դարձրել հումանիտար խնդիրներին։

«Ռուսաստանի նախագահը մանրամասն տեղեկացրել է ռուս զինվորականների կողմից ձեռնարկվող միջոցառումների մասին՝ հրատապ հումանիտար օգնություն ցուցաբերելու և խաղաղ բնակչության անվտանգ տարհանումն ապահովելու համար, այդ թվում՝ Մարիուպոլից»,- ասվում է ուղերձում։ 

Ընդգծվել է, որ այս քաղաքում ստեղծված ծանր հումանիտար իրավիճակը կարգավորելու համար ուկրաինացի ազգայնական զինյալները պետք է դադարեցնեն դիմադրությունը և վայր դնեն զենքերը»։

Կողմերն անդրադարձել են նաև Ռուսաստանից բնական գազի մատակարարումների համար ռուբլով վճարմանը անցնելու որոշմանն առնչվող հարցերին։ «Անդրադարձ է եղել նաև Ռուսաստանից բնական գազի մատակարարումների համար ռուսական ռուբլով վճարմանն անցնելու որոշմանն առնչվող հարցերին, մասնավորապես ԵՄ երկրներ»,- ասվում է զեկույցում։