Չօգտագործել «Լեռնային Ղարաբաղ» արտահայտությունը և ճիշտ նշել Ադրբեջանի տարածքների անվանումը․ Ադրբեջանի ՊՆ-ն փորձել է դասեր տալ ՌԴ ՊՆ-ին

Ադրբեջանի պաշտպանությանը նախարարությունը շտապել է ՌԴ ՊՆ հայտարարությանը, որում վերջինս հստակորեն ցույց էր տվել, որ Լեռնային Ղարաբաղում հրադադարը խախտողը՝ անօդաչու թռչող սարքերով հարվածներ կատարողն ու 2020-ի նոյեմբերի 9-ի հայտարարության դրույթները խախտողը հենց Ադրբեջանն է։ 

Հասանովի ղեկաված գերատեսչությունը նաև իրեն իրավունք է վերապահել դասեր է տվելո ՌԴ պաշտպանության նախարարությանը, թե ինչպիսի անունները ընտրի՝ հայկական տեղանուններն օգտագործելիս։ 

Հայտարարությունը, որը հրապարակել է ադրբեջանական ԱՊԱ-ն, ներկայացնում ենք առանց խմբագրման։ 

««Ռուսաստանի Դաշնության պաշտպանության նախարարության հայտարարությունը հակասում է երկկողմ հարաբերությունների բնույթին և 2022 թվականի փետրվարի 22-ին երկու երկրների միջև դաշնակցային համագործակցության մասին հռչակագրին»: 

Նշվել է, որ Ադրբեջանի տարածքում չկա վարչատարածքային միավոր «Լեռնային Ղարաբաղ.

«Հայտարարության մեջ նշված գյուղի անունը ոչ թե Ֆուրուխ է, այլ Ֆարուխ (Փարուխ-խմբ․)

Վերոնշյալի կապակցությամբ Ադրբեջանի ՊՆ-ն խնդրում է Ռուսաստանի Դաշնության պաշտպանության նախարարությանը` համաձայն եռակողմ հայտարարություն դրույթների՝ միջազգային հանրության կողմից ճանաչված Ադրբեջանի տարածքներից ապահովել հայկական բանակի մնացորդների և անօրինական հայկական զինված կազմավորումների ամբողջական դուրսբերում, խեղաթյուրված չնկարագրել Ադրբեջանի զինված ուժերի տեղաշարժը մեր երկրի ինքնիշխան տարածքներում, չօգտագործել «Լեռնային Ղարաբաղ» արտահայտությունը և ճիշտ նշել Ադրբեջանի տարածքների անվանումը»»,- գրել է ԱՊԱ-ն հղում անելով նախարարության հայտարարությանը։

Մեկ այլ հրապարակման մեջ էլ, որը ըստ էության, նույն հայտարարության  մեկ ուրիշ մասն է, Ադրբեջանի ՊՆ-ն «իր ափսոսանքն է հայտնել Ռուսաստանի Դաշնության պաշտպանության նախարարության 2022 թվականի մարտի 26-ի միակողմանի, «իրականությունը չարտացոլող» հայտարարության կապակցությամբ։

«Մարտի 25-ին պաշտպանության նախարար, գեներալ-գնդապետ Զաքիր Հասանովի և Ռուսաստանի Դաշնության պաշտպանության նախարար, բանակի գեներալ Սերգեյ Շոյգուի հեռախոսազրույցի ընթացքում քննարկվել է իրավիճակը Ադրբեջանում, որտեղ ժամանակավորապես տեղակայված է ռուսական խաղաղապահ զորախումբը։ Զրույցի ընթացքում ադրբեջանական կողմը հայտարարել է, որ անցակետերում դիրքերն ու տեղանքները ճշտվում են։

Չնայած դրան, մարտի 26-ի առավոտյան հայկական «անօրինական զինված խմբավորումների անդամները» փորձել են դիվերսիա իրականացնել ադրբեջանական բանակի ստորաբաժանումների դեմ։ Անմիջական միջոցառումների արդյունքում հայկական անօրինական զինված խմբավորումների անդամները ստիպված են եղել նահանջել։

Պաշտպանության նախարարությունը նշում է, որ Ադրբեջանը հավատարիմ է 2020 թվականի նոյեմբերի 10-ի եռակողմ հայտարարությանը և չի խախտել դրա դրույթները։

Ցավով նշում ենք, որ սույն հայտարարության 4-րդ կետի համաձայն՝ Ադրբեջանի տարածքից հայկական բանակի մնացորդների և անօրինական հայկական զինված կազմավորումների ամբողջական դուրսբերումը դեռ ավարտված չէ։ Հայտարարության դրույթները խախտում է Հայաստանը, ոչ թե Ադրբեջանը։

Պաշտպանության նախարարությունը նշում է, որ ՌԴ ՊՆ այս հայտարարությունը հակասում է երկկողմ հարաբերությունների բնույթին և 2022 թվականի փետրվարի 22-ին երկու երկրների միջև ստորագրված Դաշնակցային համագործակցության մասին հռչակագրին»,- գրել են հայտարարության մեջ։