Ադրբեջանը խախտել է նոյեմբերի 9-ի հայտարարության դրույթները․ ՌԴ ՊՆ-ն ադրբեջանական կողմին զորքերը դուրս բերելու կոչ է ուղարկել

Ադրբեջանի զինված ուժերը Լեռնային Ղարաբաղի տարածքում մտել են ռուսական խաղաղապահ զորախմբի պատասխանատվության գոտի, Բայրաքթար ՏԲ-2 տիպի անօդաչու թռչող սարքից Փարուխ գյուղի տարածքում չորս հարված է հասցվել Լեռնային Ղարաբաղի զինված կազմավորումների ստորաբաժանումներին։ Այս մասին ասված է ՌԴ ՊՆ պաշտոնական կայքում։ 

«Մարտի 24-ից մարտի 25-ը Ադրբեջանի Հանրապետության զինված ուժերը, խախտելով Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի եռակողմ հայտարարության դրույթները, Լեռնային Ղարաբաղում մտել են ռուսական խաղաղապահ զորախմբի պատասխանատվության գոտի տեղադրել դիտակետ: «Բայրաքթար ՏԲ-2» տիպի անօդաչու թռչող սարքից չորս հարված է հասցվել Լեռնային Ղարաբաղի զինված կազմավորումների ստորաբաժանումներին Փարուխ բնակավայրը»,- ասված է հաղորդագրության մեջ։

Լեռնային Ղարաբաղում ռուսական խաղաղապահ զորախմբի հրամանատարությունը միջոցներ է ձեռնարկում լարված իրավիճակը կարգավորելու համար, ասվում է ՌԴ ռազմական գերատեսչության տեղեկագրում։

«Ներկայումս ռուսական խաղաղապահ զորախմբի հրամանատարությունը միջոցներ է ձեռնարկում իրավիճակը կարգավորելու և զորքերն իրենց ելման դիրքեր վերադարձնելու համար։ Ադրբեջանական կողմին զորքերը դուրս բերելու կոչ է ուղարկվել»,- ասվում է տեղեկագրում։