Մաքսատուրքը զրոյացնելով՝ հույս ունենք, որ արտահանման ծավալները կտրուկ կավելանան. Վահան Քերոբյան

Մաքսատուրքը զրոյացնելով՝ հույս ունենք, որ արտահանվող ապրանքների ծավալները, գործարքների քանակը կտրուկ կավելանա, որովհետև, մեր կարծիքով, մենք այնպիսի խոչընդոտ ենք հիմա վերացնում, որն էապես մեծացնելու է արտահանման հնարավորությունները միջին ձեռնարկությունների համար։ Այս մասին Ազգային ժողովում այսօր հայտարարեց Էկոնոմիկայի նախարար Վահան Քերոբյանը։

Արձագանքելով՝ ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը պարզաբանում խնդրեց Քերոբյանից․ «Պարո՛ն Քերոբյան, խնդրում եմ պարզաբանել, եթե տարվում է 1,5 միլիոնի ապրանք՝ մեկ անգամից, ապա ինքն այն 0,5 միլիոնի համար հաշվարկ է անում, թե ընդհանուր էն 1,5 միլիոնի համար»։

Քերոբյանը պատասխանելով նշեց․ «Ինքը մի գործարքի համար է արվում։ Այսինքն՝ ոչ մի զեղչ չկա։ Այսինքն՝ մինչև 1 միլիոնին ազատելը վերաբերում է այն գործարքներին, որոնք 1 միլիոնից ցածր են։ Դրանից վերևը ոչ մի բան չի փոխվում։ Եթե այս օրենքի ընդունելուց հետո, դուք գնաք 1,5 միլիոնի ապրանք արտահանեք, ապա կվճարեք նույն մաքսավճարը, ինչ մինչև այս օրենքի ընդունելը»։