Փչացածին էլ ի՞նչ փչացնես․․․ Էդքան մտնել-հելնելը գիտեք հե՞շտ ա․․․ օգտատերերը ծաղրում են Էդմոն Մարուքյանի նշանակումը (լուսանկարներ, տեսանյութ)

«Լուսավոր Հայաստան» կուսակցության նախագահ, նախկին պատգամավոր Էդմոն Մարուքյանը շատ գոհ ու ինքնավստահ դեմքի արտահայտությամբ մի լուսանկար է տեղադրել ֆեյսբուքյան իր էջում ու կից զետեղել իր կենսագրությունը...

Այլ կերպ ասած՝ դեսպան նշանակված Մարուքյանի աստղային ժամը հասել է, սա նրա կյանքի փափագն էր․..

Իհարկե, նա գուցե ցանկանար ավելի բարձր պաշտոն ստանալ, քանի որ հենց դրա համար էր Մարուքյանն անվերջ տեր փնտրում-տեր փոխում, սրա ու նրա «կլարնետի տակ շարժվում», օրվա իշխանության պահանջները բավարարում․․․ Այնպես որ, իր քաղաքական ողջ կյանքի ընթացքում իրեն «ընդդիմություն» հայտարարող Մարուքյանի համար սա երջանկություն էր․․․

Թեև շատերը վստահ են, որ Մարուքյանը՝ որպես քաղաքական գործիչ, կնքեց իր մահկանացուն ու վերջնականապես փչացավ (թեև փչացածին էլ ի՞նչ փչացնես), բայց Մարուքյանը գոհ է, չաղ ու բախտավոր․․․ 

Օգտատերերից մեկը նույնիսկ նկատել է, թե Ալենը ճիշտ էր․

Հիշեցնենք, որ մի առիթով ՔՊ-ական Ալեն Սիմոնյանն Էդմոնին ասել էր՝ «Հոգնած, անբարոյականի վաստակ, քաղաքական տրյապկա»․․․ (տեսանյութը՝ ստորև)։

Ի դեպ, Էդմոն Մարուքյանն իր կենսագրության ներքո զետեղված անհաճո մեկնաբանությունները հեռացրել է․․․ Որպես ապացույց, նկատենք, որ նկարի ներքո մեկնաբանությունների քանակը ցույց տվող թիվն ավելի մեծ է, քան առկա մեկնաբանություններն են․․․ 

Սակայն մինչ նա կհեռացներ, մեզ հաջողվել է ստանալ դրանցից մի քանիսի «սքրինշոթերը»-ը։ 

Մարուքյանի «լպրծուն» տեսակն այնքան է նողկալի շատերի համար, որ օգտատերերն անգամ շահարկել են նրա ճաղատութան հարցը․․․

Ներկայացնում ենք՝ առանց մեկնաբանության․․․ 

Այսքանից հետո միայն հիշեցման կարգով հավելենք, որ հատուկ հանձնարարություններով դեսպանի առաքելությունը, որն ստանձնել է Մարուքյանը, կայանում է նրանում, որ այդ դեսպանը, ըստ սահմանված կարգի, պետք է կատարի երկրի վարչապետի (նախագահի, ԱԳ նախարարի) ամենատարբեր հանձնարարությունները։ Նա նստում է ԱԳՆ-ում, սպասում վարչապետի հանձնարարականին ու կատարում նրա կոնկրետ հանձնարարությունները․․․

NEWSPRESS.am