Իսկ Արայիկ Հարությունյանը վիզա ստացե՞լ էր, որ եկել էր Հայաստան, թե՞ իր դիպլոմատիկ անձնագրով էր եկել. Զաքարյան

Արցախում հիմա իրոք սարսափելի վիճակ է: Արդեն քանի օր է՝ մարդիկ գազ չունեն: Այսօրվա չիշխանությունները նոյեմբերի 9-ից, իսկ ավելի ճիշտ՝ վաղուց, լվացել են իրենց ձեռքերը: Եվ նրանց, նրանց ներկայացուցիչներին կամ պատգամավոր կոչվածներին դիմում ես, բոլորն ասում են, որ դա ռուսների գործն է, մենք ինչ գործ ունենք Արցախի հետ: Այս մասին այսօր «Հայելի» ակումբում ասաց «Հայոց ազգային գվարդիա» ՀԿ ղեկավար Արշակ Զաքարյանը:

«Ես ասում եմ՝ հողերը հանձնել եք, դուք եք հանձնել ու պատասխան եք տալու: Ես դիմում եմ այսօրվա իշխանավորներին ու թափ տվողներին... Թափ տան բոլորի վրա... հողերը հանձնել եք: Իսկ հողերը հանձնելուց հետո դուք ընդհանրապես վախենում եք գնաք այնտեղ, դուք այն ժամանակ էլ էիք վախենում, ուղղակի գնում էիք քեֆերի, ուտել-խմելու, ուտուշ-խմուշների: Թե մի բուռ հայերով ինչ պիտի անենք, ոնց պիտի անենք, բայց պիտի անենք, պիտի կանգնացնենք այս արհավիրքը: Արցախը մեր կարիքը շատ ունի, բայց էնպես չէ, որ Արցախում մեղավորներ չկան, շատ կան: Հենց մեղավորները նրանք են, որ իրենց քվեն 2 կոպեկով ծախեցին և ընտրեցին մարդկանց, ովքեր իրենց տները հանձնեցին թուրքերին: Դա իրենց ամենամեծ պատիժը եղավ»,- ասաց Զաքարյանը և հավելեց. «Այո՛, իրենց քվեն, պատիվն ու արժանապատվությունը բաժանեցին ու այսօր լացում են, որ Հադրութը և մյուսները չունեն: Ասածս այն մարդկանց է վերաբերվում, ովքեր իրենց քվեն վաճառեցին: Այո՛, Հադրութը, ձեր տունը, ձեր գերեզմանները ծախեցիք հենց դուք»:

Զաքարյանը ցավով նշեց, որ դատական պրոցեսների պատճառով ինքը չի կարող գնալ Արցախ. իրավունք չունի:

«Արցախը համարվում է երկրից դուրս գալ: Լավ հիշեք: Իսկ Արայիկ Հարությունյանը վիզա ստացե՞լ էր, որ եկել էր Հայաստան, թե՞ իր դիպլոմատիկ անձնագրով էր եկել»: