Ուկրաինայի կենսալաբորատորիաները միլիոնավոր դոլարներով հովանավորվել են ԱՄՆ ՊՆ-ի կողմից՝ կենսաբանական զենք մշակելու համար․ Զախարովա

Ուկրաինայի կենսալաբորատորիաները միլիոնավոր դոլարներով հովանավորվել են ԱՄՆ պաշտպանության նախարարության կողմից՝ կենսաբանական զենք մշակելու համար։ Այս մասին տելեգրամյան իր ալիքում գրել է ՌԴ ԱԳՆ ներկայացուցիչ Մարիա Զախարովան։

«Ուկրաինայում այդ կենսաբանական լաբորատորիաները գտնվել են Առողջապահության նախարարության ենթակայության տակ։

2016 թվականի ամռանն Օբամայի վարչակազմն Ուկրաինա է ուղարկել ԱՄՆ քաղաքացի Ուլյանա Սուպրունին, ով դարձել է Ուկրաինայի առողջապահության նախարար։

Ուլյանա Սուպրունի հայրը Ջորջ Հարի Յուրկովն է՝ North American Controls Inc.-ի պաշտոնաթող փոխնախագահը: Ընկերությունը մասնագիտացած է պաշտպանական արդյունաբերության կառավարման համակարգերի մշակման մեջ՝ մշակումից մինչև ապրանքների առաքում:

Ուլյանա Սուպրունի պապը՝ Իվան Յուրկովը, եղել է անկախ Ուկրաինայի բանակի լեյտենանտ 1919 թ.։ Ապացույցներ կան, որ Երկրորդ համաշխարհային պատերազմի սկզբին նա եղել է բանդերականների անդամ և մասնակցել է Կարպատներում խորհրդային զորքերի դեմ մարտերին և դիվերսիոն գործողություններին։

Ուլյանա Սուպրունի ամուսինը՝ Մարկո Սուպրունը, պրոպագանդիստ է և պրոդյուսեր՝ Կանադայից։ Ուկրաինայում հայտնի է ծայրահեղ աջ ակտիվիստների հետ իր կապերով։

Միայն մեկ օրինակ այն բանի, թե ինչպես է ապառազմականացումը կապված դենացիֆիկացիայի հետ»։