ԵՄ երկրների մշտական ​​ներկայացուցիչները համաձայնության են եկել Ռուսաստանի դեմ նոր պատժամիջոցների շուրջ

Եվրամիության երկրների մշտական ​​ներկայացուցիչները համաձայնության են եկել Ռուսաստանի դեմ նոր պատժամիջոցների շուրջ՝ Ուկրաինայում նրա հատուկ ռազմական գործողության պատճառով։ Այս մասին հայտնում է ТАСС-ը՝ հղում անելով ԵՄ Խորհրդում Ֆրանսիայի նախագահության հայտարարությանը։

Նոր սահմանափակումները կանդրադառնան ռուս առաջնորդների ու գործարարների, նրանց ընտանիքների վրա, որոնք ներգրավված են «Ռուսաստանի կողմից Ուկրաինա ներխուժման մեջ»։

Բացի այդ, Ռուսաստանի Դաշնության դեմ արդեն իսկ ձեռնարկված միջոցները կլրացվեն։

«Մասնավորապես, ձեռնարկված միջոցառումներն ուղղված են SWIFT համակարգից բելառուսական երեք բանկերի անջատմանը»,- ասվում է Ֆրանսիայի նախագահության հայտարարության մեջ։

Նախօրեին հաղորդվել էր, որ Եվրահանձնաժողովը պատժամիջոցների նոր փաթեթ է պատրաստել Ռուսաստանի և Բելառուսի դեմ՝ Ուկրաինայի շուրջ ստեղծված իրավիճակի պատճառով։ Մասնավորապես, նոր միջոցառումների շրջանակներում բելառուսական երեք բանկեր կանջատվեն «SWIFT» համակարգից։ Արգելք կսահմանվի նաև Ռուսաստանից Եվրոպա ծովային տեխնոլոգիաների արտահանման վրա։ ԵՄ-ն նախատեսում է նաև ընդլայնել «ռուս օլիգարխների» և խորհրդարանի անդամների նկատմամբ պատժամիջոցները:

ՌԴ ԱԳՆ տնտեսական համագործակցության դեպարտամենտի տնօրեն Դմիտրի Բիրիչևսկին ասել է, որ ԵՄ-ի հակառուսական պատժամիջոցները դժվար է տրամաբանորեն արդարացնել, քանի որ դրանք լուրջ վնաս են հասցնում բուն դաշինքի քաղաքացիներին։