Գյումրու Խրիմյան Հայրիկի փողոցն է․ ո՞վ է թույլ տվել, որ մայթը փակեն ու բիզնես անեն․ էս արտոնված խուլիգանության ու անիշխանության հովանավորն ո՞վ է (լուսանկարներ)

Գյումրիի բնակչուհիներից Լիլիթ Աղեկյանն արդեն տևական ժամանակ քաղաքապետարանի ու, ընդհանրապես, պատկան մարմինների, ուշադրությունն է հրավիրում քաղաքում առկա խնդիրներից մեկին։ Մասնավորապես խոսքը մայթը զավթելու մասին է։ Նա ֆեյսբուքյան իր էջում տեղադրել է լուսանկարներ և կից գրել։

«Գյումրու քաղաքապետարանի պես բան կա՞ Գյումրիում, ՀՀ ճանապարհային ոստիկանություն կա՞, գործո՞ւմ է Գյումրիում:

Էս ինչ է, կասեք, որդ եք թույլ տվեք, որ մայթը փակվի այնպես, որ հետիոտն անցնելիս փողոց իջնի, որովհետև ինչ-որ շնչավորներ այդպես գուզեն բիզնես անել, փող աշխատել դզել-փչել՝ մարդկանց անհարմարավետություն պատճառելով:

Վերջը, էս արտոնված խուլիգանության, անիշխանության, կամայականության հովանավորը ով չէ, է, վո՞վ է: Դուք կա՞ք՝ Գյումրու քաղաքապետարան, ՀՀ ճանապարահային ոստիկանություն, թ՞ե բուտաֆորիկ նշանակություն ունեք:

Սա Գյումրու՝ Խրիմյան Հայրիկի փողոցն է:

Եթե չարձագանքեցիք էս լկտիությանը, այլ ատյանների և հանրային պարսավինքի հրապարակային մեթոդների կդիմեմ: Էղա՞վ, ոստիկանություն էջս լավ քրքրում եք, հուսամ՝ սա էլ կկարդաք»: