Ադրբեջանական ծագման բենզին չկա Հայաստանում․ Գեղամ Գևորգյան
Մրցակցության պաշտպանության հանձնաժողովը ջանք չի խնայում հիմնավորի, թե ինչու պետք է բենզինի կամ դիզվառելիքի գինն այսպես սահուն կերպով աճի միջազգային շուկաներով պայմանավորված։ Այս մասին ԱԺ նիստի ժամանակ ասաց «Հայաստան» խմբակցության պատգամավոր Թադևոս Ավետիսյանը՝ դիմելով հիշյալ հանձնաժողովի նախագահ Գեղամ Գևորգյանին։ Նա նկատեց, որ բենզինի և դիզվառելիքի շուկայի վերաբերյալ տարբեր խոստումներ են եղել։
«Ձեր ղեկավարած հանձնաժողովի կողմից այդ շուկաների ուսումնասիրության տեղեկանքներն եմ կարդում, մի տեսակ տպավորություն է, որ ավելի շատ փաստաբանության է նման, քան պետական մարմնի»,- ասաց պատգամավորը։
Նա նկատեց, որ այս օրերին դարձյալ բենզինի, դիզվառելիքի գնաճ կա տարբեր պատճառաբանություններով։
«Օպերատիվ տվյալներ ու գնահատում ունե՞ք, քանի որ շատ կարևոր ապրանք է, իսկ գնաճը բերում է մուլտիպլիկատիվ էֆեկտներ»,- հարցրեց ընդդիմադիր պատգամավորը։
Գեղամ Գևորգյանը շտապեց ինքնապաշտպանվել՝ նշելով, որ երբևէ որևէ բիզնեսի փաստաբանությամբ չի զբաղվել։
Ինչ վերաբերում է դիտարկմանը, թե Հայաստան է ներկրվում ադրբեջանական ծագման դիզվառելիք, ապա Գևորգյանը հերքում է։ Նա երկրների անուններ է թվարկում․ Ռուսաստան, Իրան, Ռումինիա, Բուլղարիա։ Իսկ Ադրբեջանը, նրա խոսքով, այդ ցանկում չկա։
«Որևէ այլ երկրի ծագման, այդ թվում՝ ադրբեջանական բենզին չկա երկրում»,-վստահեցրեց Գեղամ Գևորգյանը։
«Հայաստան» խմբակցության պատգամավոր Արծվիկ Մինասյանը հարցրեց․ «Արդյոք բենզինի և դիզվառելիքի շուկայում մենք ունե՞նք ադրբեջանական ծագման բենզին, արդյոք Հայաստանում այս շուկայում գործող կազմակերպություններն ուղղակի կամ անուղղակի կապվա՞ծ են ադրբեջանական կազմակերպությունների հետ: Եվ արդյոք բենզինի և դիզվառելիքի շուկայում ադրբեջանական «SOCAR» ընկերության դերակատարումը կա՞, թե՞ ոչ: Ունե՞ք տեղեկատվություն»։
Արձագանքելով Մինասյանին՝ Գևորգյանը նշեց, որ իրենց գործարքը որևէ առնչություն չունի ո՛չ SOCAR-ի, ո՛չ ադրբեջանական որևէ այլ կազմակերպության հետ:
«Գործարքը կատարվել է վրացական Petrocas ընկերության միջև, որը ներկայացնում է GULF բրենդը: Ծագման երկրները հստակ են: Հայաստանում բենզին և դիզվառելիք գալիս է գերակշիռ մասը Ռուսաստանի Դաշնությունից, հետո՝ Իրանի Իսլամական Հանրապետությունից, մի փոքր՝ Ռումինիայից և Բուլղարիայից: Ես վստահաբար ասում եմ, որ ՀՀ-ում որևէ այլ երկրի ծագման բենզին չկա»,- վստահեցրեց Գևորգյանը:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
