«Ս... եղի ստեղից դե». թեժ վիճաբանություն՝ երթուղայինում կանանց միջև (ձայնագրություն)

Լուսանկարը՝ համացանցից

Երեկ սկանդալային միջադեպ է տեղի ունեցել Երևանում՝ թիվ 70 երթուղու միկրոավտոբուսում:

Տեսանյութը NEWSPRESS.am-ին տրամադրած քաղաքացին պատմեց, որ վիճաբանություն է սկսվել երկու կնոջ միջև այն բանից հետո, երբ երթուղային այլևս տեղ չի եղել կանգնելու, իսկ վարորդն այն կանգնեցրել է՝ ուղևոր վերցնելու: Երթուղային բարձրացած կինն աղմուկ է սկսել, թե ինքն էլ է ուզում տուն գնալ, ինչո՞ւ են «մունաթ գալիս»: 

Դժգոհությունը վերաճել է գոռգոռոցների, այնուհետև փոխադարձ վիրավորանքների, իրար կոկորդ կտրելու մասին սպառնալիքների: Բանը հասել է այնտեղ, որ կանանցից մեկը մյուսին ասել է՝ «Ս..... եղի ստեղից դե», իսկ երթուղայինում գտնվող փոքրիկ երեխան սկսել է լաց լինել:

Մեր աղբյուրի խոսքով՝ միջադեպը չի հանգուցալուծվել անգամ մյուս ներկաների՝ կանանց սաստելով: Եվ միայն վարորդի կողմից մեքենան կայանելուց, ուղևորուհիներից մեկին հարկադրաբար իջեցնելուց հետո վեճը դադարել է: 

Այս մեկ օրինակով ցույց է տրվում, թե ինչպես է բարոյալքվել հայ հասարակությունը, երբ կանայք, հանրային տրանսպորտում, տղամարդկանց ներկայությամբ, չեն խորշում գռեհիկ հիշոցներ հնչեցնելուց: Սա ֆեյսբուքյան իրականությունից դեպի ռեալ կյանք փոխանցված մետաստազ է, երբ բոլոր կարմիր գծերը հատվում են, իսկ հասարակությունը հանդուրժում է: 

Եվ իհարկե, ևս մեկ կարևոր հանգամանք. եթե ներկայիս քաղաքապետ Հրաչյա Սարգսյանը նկատեր ոչ թե երթուղայիններում կամ ավտոբուսներում ալկոգելի կեղտոտ սրվակները, այլ ավելի լայն բացեր աչքերն ու տեսներ, որ նույն երթուղայիններում, հատկապես օրվա պիկ ժամերին, նույնիսկ մեկ ոտքի տեղ ունենալն է գերխնդիր, զբաղվեր տրանսպորտի խնդրով, թերևս կոնկրետ այս միջադեպը չլիներ: 

NEWSPRESS.am