Հայաստանը մեռնում ա ժեխ Նիկոլի պատճառով. Գևորգ Պետրոսյան (տեսանյութ)

Ժեխ Նիկոլը, նա ԺԵԽ ա, այսինքն՝ Ժողովրդի Երազանքները Խորտակած անձը, հայտարարում է, որ Հայաստանը ժողովրդավարության խորհրդանիշ է: Տո լավ է, ես էլ ֆուտբոլիստ Պելեն եմ: Բա էս մարդիկ հիմա ի՞նչ գործ ունեն անազատության մեջ: Այս մասին այսօր «Հայելի» մամուլի ակումբում ասաց ԱԺ նախկին պատգամավոր Գևորգ Պետրոսյանը՝ ցույց տալով քաղբանտարկյալների՝ մամուլի ակումբի պատին փակցված լուսանկարները:

«Եթե Հայաստանը ժողովրդավարության սիմվոլ է, բաստիոն է, ապա էս տղերքն ի՞նչ գործ ունեն անազատության մեջ, հը՞ն ԺԵԽ Նիկոլ, քեզ եմ հարցնում»,- ասաց Պետրոսյանը: 

Նա անդրադարձավ նաև երկրի տնտեսությանը՝ շեշտելով, որ այն գտնվում է խայտառակ վիճակում: 

«Այսպես կոչված, կորոնավիրուսի դեմ պայքարի անհեռատես քաղաքականության արդյունքում լրիվ մեռած ա բիզնեսը, ես տարբեր գործատուներից նամակներ եմ ստանում: Պատկերացնո՞ւմ եք՝ ինչքան է նվազել ապրանքադրամային շրջանառությունը, ծառայությունների մատուցման շրջանակներն ինչքան են նեղացել»,- ասաց բանախոսը: 

Պետրոսյանը խոսեց նաև ծխախոտային սահմանափակումների մասին՝ ընդգծելով, որ ով որտեղ պետք է՝ ծխում է, միայն թե արդյունքում բիզնեսն է տուժել: Իսկ եթե տուժում է միջին բիզնեսը, դա ծնում է արտագաղթ: 

Ըստ նրա՝ արդեն միջինից բարձ բիզնեսն է ուզում գնալ Հայաստանից:

«Այսինքն Հայաստանում մնում են երկու խավ՝ ոչինչ չունեցողները և մի խումբ ամեն ինչ ունեցողներ: Իսկ ո՞նց կարող է այսպիսի հասարակության մեջ թշնամանք չլինել: Ո՞նց կարող է ոչինչ չունեցողը սիրել ամեն ինչ ունեցողին, կամ հակառակը: Մեկը մյուսին վերաբերվում է որպես ստրուկ, մեկը մյուսին՝ ստրկատեր: Հետո էլ ասում ենք, թե ինչու է հասարակության մեջ թշնամանքն աճում, որովհետև հասարակությունն աննախադեպ բևեռացված վիճակում է հիմա: Խնդրեմ՝ արի էս պայմաններում բանակ զարգացրու, հզորացրու, տնտեսություն զարգացրու: Հայաստանը մեռնում ա ժեխ Նիկոլի պատճառով: 

Մանրամասները՝ տեսանյութում