Աբսուրդ է, կլոունադա. Ռոբերտ Քոչարյանը պատրաստ է կալանավորվել (տեսանյութ)

Եթե կալանավորման պատրաստ չլինեի՝ չէի գա: Այս մասին հայտարարեց ՀՀ երկրորդ նախագահ Ռոբերտ Քոչարյանը՝ արձագանքելով լրագրողի հարցին, թե պատրա՞ստ է կալանավորման, թե՞ ոչ:

«Իհարկե, պատրաստ եմ։ Բայց օգտվեմ առիթից՝ մեղադրանքի բովանդակության մասին խոսելու համար։ Երեկ փաստաբաններն ասում էին, որ չեն հասկանում մեղադրանքի էությունը։ Եթե ​​չենք հասկանում, ապա բացատրել էլ չենք կարող: Ես իսկապես չեմ հասկանում։ Երբ ինձ մեղադրանք առաջադրեցին սահմանադրական կարգի տապալման համար, անմիջապես կալանք դրեցին իմ ունեցվածքի և հաշիվների վրա, թեև իրավունք չունեին, քանի որ հոդվածը գույքային պատասխանատվություն չէր ենթադրում»,- հիշեցրեց Քոչարյանը՝ հավելելով, որ նաև ապօրինի խախտվել է բանկային գաղտնիքը։

«Քննչական մարմիններից մեկն ասում է, որ օպերատիվորեն դադարեցրել է շարժը հաշիվներին։ Դու պետությո՞ւն ես, թե՞ ինչ։ Տեղի ունեցողը տեղավորվում է քրեական պատասխանատվության մեջ, կգա ժամանակը և դա տեղի կունենա»,- խոստացավ Քոչարյանը։

«Վերջին պահին մեղադրանք ավելացվեց գույքային կալանքն օրինականացնելու համար։ Հարցի էությունն ինչի՞ մեջ է: Սա ամենահետաքրքիրն է։ Սիլվա Համբարձումյան անունով մի կին, ում մինչ այդ դեպքը չեմ ճանաչել և չէի կասկածում նրա գոյության մասին մինչ այս քրեական գործը։ Նա ինչ-որ լիցենզիա ուներ հանքերի հետազոտման համար: Նա ուզում էր այդ լիցենզիաները վերավաճառել ինչ-որ մեկին և, մի ցուցմունքի համաձայն, նա կաշառք է տվել, մյուսի համաձայն, ցանկացել է շնորհակալություն հայտնել, և կաշառք է տվել ինձ և Սերժ Սարգսյանին։ Այն ժամանակ լիցենզիա վերավաճառելու համար օրենքով թույլտվություն չէր պահանջվում:

Ասում է՝ գումարն առաջարկել է, որ իրեն չխանգարեն։ Հարցին՝ քեզ խանգարել են, թե՞ ոչ, ասում է՝ ոչ։ Բայց մտածել է, որ իրեն կարող են խոչընդոտել, և չխոչընդոտելու համար փող է առաջարկել։ Ուղղակի աբսուրդ։ Իսկ մեղադրական եզրակացության մեջ ոչինչ չկա։ Պարզապես մի կին ցուցմունք է տվել, և դա հիմք է հանդիսացել քրեական գործի և մեղադրանքի համար։ Մենք նույնիսկ չենք հասկանում, թե ինչու, ինչ եմ արել, ինչը չպետք է անեի և հակառակը։ Եվ հատկապես նախագահը՝ 2007-8թթ.-ին, այս հարցում իրավասություն չուներ»,- պարզաբանեց Քոչարյանը՝ հավելելով, որ 2007 թվականի խորհրդարանական ընտրություններից հետո ինքը նույնիսկ կառավարության շենք չի մտել։

«Երբ ես դատարանում խնդրեցի պարզաբանել, թե ինչ լիազորությունների մասին է խոսքը, ոչ դատավորը, ոչ դատախազը չկարողացան պատասխանել։ Նրանք իրենք են խոստովանում, որ դա աբսուրդ է, կլոունադա»,- գնահատական տվեց Քոչարյանը։