Երևանցիների 65 տոկոսը դժգոհ է Հայկ Մարությանի հեռացումից, իսկ 28 տոկոսը ցանկանում է նրա վերադարձը

Երևանցիների 65 տոկոսը բացասական է վերաբերվում Հայկ Մարությանին պաշտոնանկ անելու վերաբերյալ «Իմ քայլի» որոշմանը, հետազոտության արդյունքները մամուլի ասուլիսին ներկայացրեց «GALLUP International»-ի ղեկավար Արամ Նավասարդյանը։

Հայկ Մարությանին պաշտոնանկ անելու որոշմանը լիովին դրական է վերաբերվում հարցվածների 3.9 տոկոսը

ավելի շուտ դրական՝ 6.9 տոկոսը

ավելի շուտ բացասական՝ 13.4 տոկոսը

ընդհանրապես բացասական՝ 50.9 տոկոսը։

«Այսինքն՝ քաղաքացիների 65 տոկոսը բացասական է վերաբերվում այդ հանգամանքին», - ասաց Նավասարդյանը։

Քաղաքացիներին հարց է տրվել նաև, թե արդյոք անհրաժեշտություն կա անցկացնելու Երևանի քաղաքապետի արտահերթ ընտրություններ։

միանշանակ այո` 41.6 տոկոսը

ավելի շուտ այո` 19.2 տոկոսը

ավելի շուտ ոչ՝ 10 տոկոս

միանշանակ ոչ՝ 11 տոկոսը։

«Ում եք ցանկանում տեսնել Երևանի քաղաքապետի պաշտոնում» հարցին երևանցիները պատասխանել են այսպես.

Հայկ Մարությանին - 28.3 տոկոս

այլ տարբերակներ -15.8 տոկոս

Նավասարդյանն ասաց, թե այդ «այլ տարբերակներ» պատասխանում որևէ մեկը 1.5 տոկոսից ավելի ձայն չի հավաքել։ Հարցին դժվարացել է պատասխանել հարցվածների 55.9 տոկոսը։