«Քառյակ մեդիա»-ի ներկայացված հիմնական պատճառը խիստ անտրամաբանական է ու ոչ համոզիչ

Քաղաքագետ Ռոբերտ Մարգարյանը անկեղծանում է` մի քանի անգամ ընթերցել է «Քառյակ մեդիա»-ի գործունեությունը դադարեցվելու կապակցությամբ արված հայտարարությունը, բայց , գոնե իր համար, քառյակ ներկայացված հիմնական պատճառը խիստ անտրամաբանական է ու ոչ համոզիչ։

Նա մեջբերել է հայտարարունից մի հատված, որտեղ մասնավորապես նշված է.

«Մեդիան, որպես փաստերի հայթայթման և լուսաբանման հարթակ, իրեն էապես սպառել է, որովհետև այլևս չկան չպարզաբանված փաստեր ու էական հանգամանքներ. բոլորը բոլորի մասին ամեն ինչ գիտեն»:

Ռոբերտ Մարգարյանը չի հավատում այս պատճառաբանությանը.

«Բայց արդյոք մեդիան սպառել է իրեն: Եթե այդպես է ապա այս պահին ինչո՞վ են զբաղված «5-րդ ալիք»-ն ու «Երկիր Մեդիա»-ն, politik.am-ը, Hayeli.am-ն ու LIVEnews.am-ը:
Չկա՞ն չպարզաբանված փաստեր ու էական հանգամանքներ: Բայց չէ, որ մինչև հունիսի 20-ի արտահերթ ընտրությունները ArmNews TV-ով պարզաբանում ու վերլուծություն կատարող ու հանրությանը իրազեկող փորձագետներն այսօր էլ նույն ու դեռ ավելի եռանդով նույնն են անում այլ ԶԼՄ-ների հարթակներից օգտվելով:

Միթե նույն Tert.am-ի լրագրողուհի Ani Gevorgyan-ը չէ, որ իր հարցումներով ու համառությամբ նեղ դրության մեջ էր դնում ՔՊ-ական ուսապարկերին: Միթե ArmComedy-ի տղաներն իրենց յություբյան համեստ հնարավորությամբ այսօր էլ չեն անում ինչ անում էին ArmNews-ի եթերով:

Ու հիմա ամեն ինչ միանգամից սպառվե՞ց:

Միթե՞ էլ ասելիք ու պարզաբանելու բան չկա: Թե ինչ-որ մեկը հարմար գտավ, որ ընդդիմադիր դաշտի ամենաորակավոր երկու հիմնական մեդիահարթակները հենց այս պահին պիտի հեռանան ասպարեզից...»,-գրել է քաղաքագետը։