Օդում պալատական հեղաշրջման հոտ է զգացվում. քաղաքագետ

Քաղաքագետ Ռոբերտ Մարգարյանը գրել է.

«Օդում պալատական հեղաշրջման հոտ է զգացվում:

Ժամանակին մեզ համար այս բորշը եփած շեֆ-խոհարարան այս անգամ կարծես ապուր է պատրաստում:

Փորձենք վերհիշել վերջին շաբաթների իրադարձությունները:

Արմեն Սարգսյանն անակնկալ կերպով հրաժարական է տալիս ու հող է պատրաստում ալեն սիմոնյանի նախագահական գնալու համար: Իսկ նախագահականում ալեն սիմոնյանի պահվածքն ու որոշումները ամենևին էլ չեն հուշում մի քանի շաբաթով այդտեղ հայտնված մարդու մասին: Այսօր անակնկալ կերպով «Քառյակ Մեդիա»-ն դադարեցնում է իր աշխատանքն ու փակվում են ընդդիմադիր մեկ օրաթերթ ու մի հեռուստաընկերություն (թեև վերջինս արդեն երկար ժամանակ պասիվ վիճակում էր գտնվում):

Իսկ թե ով էր կանգնած «Քառյակ Մեդիա»-ի թիկունքում կարծում եմ արդեն բոլորը գիտեն: Նա ով իր ֆեյսբուքյան գործակալների միջոցով արդեն մի առ ժամանակ ինչ բացել է ալեն սիմոնյանի իշխանության գալու օվերտոնյան պատուհանը, իհարկե իր դերակատարության հետքը մաքրելու համար դա գցելով Նախագահ Ռոբերտ Քոչարյանի գրպանը:

Այս ամենն այս պահին կարող են դավադրության տեսության ժանրից մի բան համարվել, բայց եթե հանկարծ մոտ օրերում Նախագահ Քոչարյանի իշխանության չգալու ինատու գորշ կարդինալն ալենին դարձրեց Հայաստանի նոր բռնապետիկը չզարմանաք:

Հ.Գ. Գրառումս մի քիչ արթուրդանիելական ստացվեց: Անկեղծ ասած ինքս էի ցանկանում, որ սա դավադրության ժանրից լինի»: