Տեսեք` ինչ է կատարվում. Արցախում մարդկանց տանում են հյուրատներ` օրը ամեն շնչից մինչև 5000 դրամ վերցնում. Արցախից տեղահանվածներ (տեսանյութ)

Արցախի բռնազավթված տարածքներից տեղահանված բնակիչներն այսօր՝ փետրվարի 4-ին բողոքի ակցիա են կազմակերպել Արցախի ներկայացուցչության առջև:

Նրանք նկատում են, որ թեև Արցախից կանչում են, բայց չեն ապահովում բնակարանով։

Բողոքի ակցիայի մասնակից քաղաքացիներից մեկն էլ նկատում է. «Տեսեք` ինչ է կատարվում. մարդկանց տանում են հյուրատներ` սեփական տներ, որոնք հյուրանոցների տակ աշխատացնում են։ Այսօրվա դրությամբ մոտ 2000 մարդ ա ապրում էդ հյուրատներում` օրը ամեն շունչը (անձի համար֊խմբ.)` մինչև 5000 դրամ վճարելով»:

Նա նշում է, որ նպատակը փող աշխատելն է։

«Ուզում են ժողովրդին 4֊5 հոգով տանեն մի սենյակ լցնեն ու օրը 20֊25 հազար դրամ աշխատեն»։

Ինչ վերաբերում է բնակարանաշինությանը, ապա նրանք հույսեր չեն կապում դրանց հետ։ Ասում են` աշխատանքները 2018֊ից են սկսել ու մինչև օրս դեռ չեն ավարտվել։

«Բնակարան տան` մեծ սիրով հետ կգնանք»։